སྡེ་དགེ་ནས་འཛིན་བཟུང་བྱས་བའི་བོད་མི་མང་པོ་གློད་གྲོལ་བྱུང་ཡོད་ཀྱང་ཁག་ཅིག་ད་དུང་བཀག་ཉར་འོག་ཡོད་འདུག
རྒྱ་ནག་གི་ཉེན་རྟོག་པས་ཁམས་སྡེ་དགེ་རྫོང་ཁོངས་དབོན་སྟོད་ཁུལ་དུ་བོད་མི་ཚོ་འཛིན་བཟུང་སྐབས། ༠༢།༢༢།༢༠༢༤
བོད་འབྱོར། མི་སེར་གསར་འགོད་པ།
སྡེ་དགེ་རྫོང་ཁོངས་དབོན་པོ་སྟོད་ཁུལ་གྱི་བོད་མི་ཆིག་སྟོང་ཙམ་རྒྱ་ནག་གི་ཉེན་རྟོག་པས་འཛིན་བཟུང་བཀག་ཉར་བྱས་པའི་ཁོངས་ནས་མི་མང་པོ་ཞིག་གློད་གྲོལ་བཏང་ཟིན་འདུག་ན་ཡང་། དབོན་སྟོད་དགོན་གྱི་ཕྱག་མཛོད་བགྲེས་པ་བསྟན་འཛིན་ལགས་དང་། གྲོང་ཚོའི་འགོ་ཁྲིད་ཁག་ཅིག་དབོན་སྟོད་ཁུལ་གྱི་ཉེན་རྟོག་བཀག་ཉར་ཁང་ནས་སྡེ་དགེ་རྫོང་གི་བཀག་ཉར་ཁང་དུ་ཁྲིད་ཟིན་ཡོད་པ་བོད་ནས་ཨེ་ཤེ་ཡ་རང་དབང་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱུང་ཞིང་། ཕྱི་ཟླ་༢ཚེས་༢༢ཉིན་འཛིན་བཟུང་བྱས་པའི་མི་མང་པོ་ཞིག་གློད་གྲོལ་བྱུང་འདུག་ན་ཡང་། ས་གནས་ནས་ཕྱི་ཕྱོགས་སུ་གནས་ཚུལ་སྤྲད་མཁན་སུ་ཡིན་རྩད་གཅོད་ཤུགས་ཆེ་བྱེད་མུས་ཀྱི་གནས་སྟངས་འོག་ས་གནས་བོད་མི་ཚོར་འདྲི་རྩད་དང་ཉེས་རྡུང་བཏང་པ། དེ་བཞིན་འཛིན་བཟུང་མུ་མཐུད་དུ་བྱེད་བཞིན་ཡོད་འདུག་ལ། ས་གནས་ཡུལ་མིའི་སྐད་འཕྲིན་དང་། སྤྱི་ཚོགས་དྲྭ་ལམ་འཁྱུག་དབྱངས་(tiktok)་སོགས་ལ་སྔོག་བཤེར་ཤུགས་ཆེ་བྱེད་བཞིན་ཡོད་འདུག
ད་དུང་གནས་ཚུལ་ཤེས་རྟོགས་བྱུང་བར་གཞིགས་ན། དབོན་སྟོད་དགོན་དུ་མང་ཚོགས་འགྲོ་བསྐྱོད་མི་ཆོག་པ་བཟོས་འདུག་པ་མ་ཟད། ཉེན་རྟོག་པས་བྱ་ར་ཤུགས་ཆེན་བྱེད་བཞིན་ཡོད་འདུག
དེའི་རྗེས་དབུས་བོད་མིའི་སྒྲིག་འཛུགས་ཀྱིས་རྒྱ་ནག་གཞུང་གི་བྱེད་སྟངས་ལ་སྐྱོན་བརྗོད་གནང་ཡོད་པ་དང་། དེ་བཞིན་ཨ་རི་དང་ཁེ་ཎ་ཌའི་ཕྱི་སྲིད་ལས་ཁུངས། བོད་མིའི་འགྲོ་བ་མིའི་ཐོབ་ཐང་རྩོད་ལེན་པ། གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གིས་རྒྱ་ནག་གི་བྱ་སྤྱོད་ལ་སྐྱོན་བརྗོད་དང་བསྒྲགས་གཏམ་སྤེལ་བ་དང་འབྲེལ། བོད་མི་དང་བོད་དོན་རྒྱབ་སྐྱོར་བ་ཚོས་ཨ་རི་དང་ཡོ་རོབ་སོགས་ནུབ་ཕྱོགས་ཡུལ་གྲུ་ཁག་ནང་གི་རྒྱ་ནག་གཞུང་ཚབ་མདུན་གཙོས་ས་གནས་གང་སར་རྒྱ་ནག་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་དང་སྤེལ་མུས་ཡིན་པ་དང་། རྒྱ་གར་རྡ་རམ་ས་ལ་དང་། ལ་དྭགས། རྒྱ་གར་ལྷོ་ཕྱོགས་སོགས་ས་གནས་མང་པོར་བོད་མི་ཚོགས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་སྤེལ་ཡོད་པ་རེད།
* སྡེ་དགེ་དང་འབྲེལ་བའི་དེའི་སྔོན་གྱི་གནས་ཚུལ་ཁག ཟླ་གཉིས་བའི་ཚེས་༡༤ ཚེས་༢༠ ཚེས་༢༢ ཚེས་༢༤ ཚེས་༢༥ ཚེས་༢༧
གསར་འགོད་པ། སྐལ་ལྡན་བློ་གྲོས། བསྟན་འཛིན་པདྨ།
རྩོམ་སྒྲིག་པ། སྐལ་ལྡན་བློ་གྲོས།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་གིས་རྒྱུན་གྲོན་མ་དངུལ་མཚམས་འཇོག་བྱས་རྐྱེན་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་མང་ཆེ་བ་གནས་སྐབས་ཕོགས་མེད་ལས་མཚམས་འཇོག་དགོས་བྱུང་ཡོད།
- ཨེ་ཤེ་ཡ་རང་དབང་རླུང་འཕྲིན་ཁང་དང་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་སྒོ་བརྒྱབ་ན་བོད་མིའི་སྐད་སྒྲ་མེད་པ་འགྱུར་ངེས་རེད་ཅེས་བོད་ཀྱི་གྲགས་ཅན་རྩོམ་པ་པོ་དང་སྙན་ངག་པ་ཚེ་རིང་འོད་ཟེར་ལགས་ཀྱིས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་ལྷ་ས་ནས་ཆིབས་ཐོན་མཛད་སྐབས་མགོན་པོ་ཕྱག་དྲུག་ལ་ཐུགས་སྨོན་མཛད་ཡོད་པ་ལྟར། མ་འོངས་པར་མགོན་པོའི་ཞལ་མཇལ་ཡོང་བའི་རེ་བ་ཡོད་པ་བཀའ་གནང་འདུག
- བོད་དོན་ཞུ་གཏུག་མཐུན་ཚོགས་ནས་རྒྱ་གར་གྲོས་ཚོགས་གོང་འོག་ནང་བོད་དོན་གླེང་སློང་ཡོང་ཆེད་ལྡི་ལིར་བོད་དོན་ཞུ་གཏུག་གནང་བཞིན་འདུག
- བོད་ནང་གི་བོད་མི་ཚོས་བོད་ནང་ཐོབ་དཀའ་བའི་གནས་ཚུལ་གྱི་འབྱུང་ཁུངས་ལྟེ་བ་རླུང་འཕྲིན་ཁང་སྒོ་རྒྱག་སྲིད་པར་ཐུགས་འཚབ་གནང་གི་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱལ་སྤྱིའི་གསར་འགྱུར་རང་དབང་རྩོད་ལེན་ཚོགས་སྡེ་ཁག་གིས་ཨ་རིའི་གཞུང་འཛིན་གསར་པས་ཨ་རིའི་གོ་ལའི་བརྒྱུད་ལམ་ལས་ཁུངས་མེད་པར་བཟོ་རྒྱུའི་ཐག་གཅོད་ལ་སྐྱོན་བརྗོད་དང་རྒྱ་ནག་གི་གསར་ལམ་ནང་དགའ་བསུ་བྱས་འདུག
- སྲིད་སྐྱོང་སྤེན་པ་ཚེ་རིང་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་འབྲེལ་བའི་ལས་གཞི་གལ་ཆེན་ཁག་གཅིག་སྤེལ་འཆར་ཡོད་སྐོར་གསུངས་པ།
- བོད་དང་ཆོས་རིག་གཉིས་ཀའི་ཐོག་འབྲེལ་ཐག་ཉེ་བའི་འབྲུག་ཡུལ་གྱིས་བོད་མིང་ལ་ཤི་ཙང་ཞེས་འབོད་འགོ་བཙུགས་པ་ནི་བློ་ཕམ་གྱི་གནས་རེད་ཅེས་ཉམས་ཞིབ་པས་འགྲེལ་བརྗོད་གནང་གི་འདུག
- གྲོས་ཚོགས་སུ་བཀའ་ཤག་མེད་པ་དང་སྤྱི་འཐུས་ལྷན་ཚོགས་འཚོགས་མི་ཐུབ་པ། གཏོང་ལེན་ཁྲིམས་ཡིག་གཏན་འབེབས་མ་ཐུབ་པའི་གནས་སྟངས་བྱུང་ནའང་། ལོ་འཁོར་སྔོན་རྩིས་བཀའ་འཁྲོལ་སྤྲོད་ཆོག་པའི་སྒྲིག་གཞི་བསྐྱར་བཅོས་ཀྱི་ཁྲིམས་འཆར་བཏོན་པ།
- ཨ་རིའི་རོགས་དངུལ་བཀག་སྐྱིལ་བྱས་རྐྱེན་སྔོན་རྩིས་ནས་གཅོག་ཆའི་རིགས་ཕལ་ཆེ་བ་ཚོགས་འདུའི་རིགས་ཡིན་སྟབས་སྔོན་རྩིས་ལ་དཀའ་ངལ་ཆེན་པོ་འཕྲད་གཞི་མེད་པ་དཔལ་འབྱོར་བཀའ་བློན་ནས་ལན་འདེབས་གནང་སོང་།