ཧེན་རི་ཀི་སིན་ཇར་རྒྱ་ནག་གི་དཔོན་རིགས་དང་མཇལ་འཕྲད་གནང་བ།
དགུང་ལོ་ ༡༠༠ ལ་ཕེབས་པའི་ཨ་མེ་རི་ཀའི་ཕྱི་སྲིད་དྲུང་ཆེ་ཟུར་པ་ ཧེན་རི་ཀི་སིན་ཇར་རྒྱ་ནག་ཏུ་ཕྱོགས་ཕེབས་གནང་སྟེ། རྒྱ་ནག་གི་སྲིད་འཛིན་ཞི་ཅིན་ཕིང་དང་། རྒྱལ་སྲུང་བློན་ཆེན། ཕྱི་སྲིད་བློན་ཆེན་ལས་ཁུངས་ཀྱི་གཙོ་འཛིན་བཅས་སོགས་མི་སྣ་མང་པོར་མཇལ་འཕྲད་གནང་ཞིང་། རྒྱ་ནག་དཔོན་རིགས་ཀྱིས་ཁོང་ལ་རྒྱལ་དོན་རིམ་པའི་ཕེབས་བསུའི་སྣེ་ལེན་ཞུས་ཡོད་པ་རེད། འདི་ནི་རྒྱ་ནག་དང་ཨ་རིའི་དབར་ལ་གཞུང་འབྲེལ་གྱི་དཔོན་རིགས་མཐོ་གྲས་མཇལ་མོལ་གནང་སྟེ་འབྲེལ་བ་གོང་སྤེལ་གཏོང་ཐབས་གནང་པའི་སྐབས་འདིར་གནད་དོན་དབྱེ་ཞིབ་པ་ཚོས་དོ་སྣང་བྱེད་གཞིར་གྱུར་ཡོད་པ་རེད། ཐེངས་འདིའི་བདུན་རེའི་དཔྱད་བརྗོད་ཀྱི་གླེང་སྟེགས་ལས་རིམ་ནང་། ཀི་སིན་ཇར་གྱི་འཚམས་གཟིགས་ཕྱོགས་ཕེབས་འདིའི་སྐབས་ཕྱོིགས་གཉིས་ཀྱི་འབྲེལ་བ་བཟང་དུ་གཏོང་རྒྱུར་ཇི་ཕན་སོགས་ཀྱི་ཐད་བཀྲ་ཤིས་དབང་ཕྱུག་ལགས་དང་བསྟན་འཛིན་བདེ་སྐྱིད་ལགས་ཀྱི་དབར་གླེང་མོལ་ཞུས་པར་གསན་རོགས་གནང་།
གསར་འགོད་པ། བཀྲ་ཤིས་དབང་ཕྱུག བསྟན་འཛིན་བདེ་སྐྱིད།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།