ཧོང་ཀོང་ནང་ངོ་རྒོལ་མི་སྣ་གཙོ་གྲས་རྩིས་སྤྲོད་བྱེད་མཁན་ལ་རྔན་པ་སྤྲོད་ཐབས།


2019.08.28
དྲིལ་བསྒྲགས་དྲ་ངོས། དྲིལ་བསྒྲགས་དྲ་ངོས།
དྲ་བཤུས་སྒྲིག་བཟོ།

ཧོང་ཀོང་ནང་གཞུང་ལ་ངོ་རྒོལ་བྱེད་མཁན་གྱི་བྱེད་གཏེ་རྩིས་སྤྲོད་བྱེད་མཁན་ལ་དངུལ་གྱི་རྔན་པ་སྤྲོད་རྒྱུའི་དྲྭ་རྒྱ་ཞིག་ཁྱབ་བསྒྲགས་བྱེད་འགོ་བཙུགས་ཡོད་འདུག
དེ་ཡང་(Hong Kong Free Press)་ཞེས་པའི་གསར་ལས་ཁང་གིས་གནས་ཚུལ་སྤེལ་བའི་ནང་། དེང་སྐབས་ཧོང་ཀོང་ནང་མི་དམངས་ཁྲི་ཚོ་མང་པོས་བསྟུད་མར་ས་གནས་གཞུང་ལ་ངོ་རྒོལ་ལས་འགུལ་མཚམས་མ་ཆད་པར་སྤེལ་བཞིན་པའི་སྐབས་འདིར། ཧོང་ཀོང་ནང་གཞུང་ལ་ངོ་རྒོལ་བྱེད་མཁན་གྱི་བྱེད་གཏེ་རྩིས་སྤྲོད་བྱེད་མཁན་ལ་དངུལ་གྱི་རྔན་པ་སྤྲོད་རྒྱུའི་དྲྭ་རྒྱ་ཞིག་ཁྱབ་བསྒྲགས་བྱེད་འགོ་བཙུགས་ཡོད་པ་དང་། དྲྭ་རྒྱ་དེ་ཟླ་བ་འདིའི་ཕྱི་ཚེས་༡༢ཉིན་(Leung Chun-ying)་ཟེར་བའི་ཧོང་ཀོང་གི་གྲོང་ཁྱེར་སྤྱི་ཁྱབ་ཟུར་པ་དང་མིང་གཅིག་པ་ཡིན་པ་ཞིག་གིས་དེབ་སྐྱེལ་བྱས་ཡོད་འདུག
གོང་ཞུས་གསར་ལས་ཁང་གིས་དྲྭ་རྒྱ་དེར་འབྲེལ་བ་བྱེད་སའི་ཁ་པར་ཨང་གྲངས་ལ་ཁ་པར་བཏང་སྐབས། ཕར་འབྲེལ་འཐུད་བྱེད་སའི་ཁ་པར་ཨང་གྲངས་སོགས་འཇོག་དགོས་པའི་བརྡ་ལན་སྤྲོད་ཀྱི་ཡོད་པ་ལས་གཞན་དང་ལེན་བྱེད་མཁན་མེད་པ་བཀོད་ཡོད་པ་རེད།
དྲྭ་རྒྱའི་ཁ་བྱང་ལ་སུ་རེད་ཅེས་པས། ཧོང་ཀོང་ནང་བྱུང་བའི་ངོ་རྒོལ་གྱི་ལས་འགུལ་ཁྲོད་དམིགས་བསལ་ཧོང་ཀོང་གི་(Tsim Sha Tsu Star)་ཞེས་པའི་གྲུ་ཁའི་འབབ་ཚུགས་ནས་རྒྱ་ནག་གི་རྒྱལ་དར་མར་ཕབ་མཁན་སུ་ཡིན་དང་།  གཞན་ཡང་ཧོང་ཀོང་ནང་གི་རྒྱ་ནག་རྒྱལ་རྟགས་ལ་སྣག་ཚ་བཤོ་མཁན་སུ་ཡིན་སོགས་ངོ་རྒོལ་གྱི་དོན་རྐྱེན་དང་འབྲེལ་བའི་ལས་འགུལ་ཁག་སུམ་ཅུ་ཙམ་གྱི་ནང་བྱེད་གཏེ་རྩད་གཅོད་ཐུབ་ཐབས་བྱེད་ཀྱི་ཡོད་འདུག
ད་དུང་དྲྭ་རྒྱ་དེའི་གནས་ཚུལ་ངོ་སྤྲོད་བྱེད་མི་སུ་ཡིན་གསང་བ་ཉར་རྒྱུ་དང་། རྔན་པ་ཧོང་ཀོང་གི་སྒོར་མོ་འབུམ་གཉིས་ནས་ས་ཡ་གཅིག་གི་བར་སྤྲོད་རྒྱུ་ཡིན་ལུགས་བསྒྲགས་འདུག
གཞན་ཡང་ཧོང་ཀོང་ནང་གི་གནས་ཚུལ་ཞིག་ལ། ཧོང་ཀོང་གི་ཉེན་རྟོག་པས་དེ་སྔོན་སྤྱི་ཟླ་༧་པའི་ཚེས་༡་ཉིན་ཧོང་ཀོང་གྲོས་ཚོགས་སུ་ཧོང་ཀོང་གཞུང་ལ་ངོ་རྒོལ་གྱི་སྐབས་སུ་གྲོས་ཚོགས་ནང་འཛུལ་ཞུགས་བྱེད་མཁན་ཡིན་པའི་མི་གསུམ་འཛིན་བཟུང་བྱས་ཡོད་འདུག

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎