១ . លោក ហ៊ុន សែន បន្តប្រកាសថា នឹងការពារមិនឱ្យមានរដ្ឋប្រហារ ដើម្បីអភិវឌ្ឍប្រទេសឱ្យរីកចំរើន
លោកនាយករដ្ឋមន្ត្រី ហ៊ុន សែន ដែលធ្លាប់ធ្វើរដ្ឋប្រហារដណ្តើមអំណាច កាលពីជិត៣ទសវត្សមុន បន្តប្រកាសថា លោកនឹងការពារដាច់ខាតមិនឱ្យមានរដ្ឋប្រហារណាមួយកើតឡើងនៅកម្ពុជាឡើយ ដើម្បីមានឱកាសអភិវឌ្ឍន៍ប្រទេសឱ្យរីកចំរើនជានិរន្តទៅមុខ។ មន្ត្រីគណបក្សប្រឆាំងនិងអ្នកវិភាគនយោបាយ ចាត់ទុកការលើកឡើងរបស់លោក ហ៊ុន សែន នេះថា ជាសារប្រជាភិថុតិ ដើម្បីកេងចំណេញផ្នែកនយោបាយ។ អានព័ត៌មានពិស្ដារ ...
២ . លោក ហ៊ុន សែន អះអាងថា រដ្ឋាភិបាលលោកផ្តល់សិទ្ធិសេរីភាពដល់សាសនាទាំងអស់ តែក្រុមសាសនិកខ្លះរិះគន់
លោកនាយករដ្ឋមន្ត្រី ហ៊ុន សែន អះអាងថា រដ្ឋាភិបាលបានយកចិត្តទុកដាក់ចំពោះការផ្តល់សេរីភាពខាងជំនឿសាសនាទូលំទូលាយដល់ពលរដ្ឋទាំងអស់។ ប៉ុន្តែព្រះសង្គម និងក្រុមសាសនិករិះគន់ថា ក្រោមការដឹកនាំរបស់លោក ហ៊ុន សែន ជិត ៤០ឆ្នាំនេះ ពួកគេមិនទាន់អនុវត្តសិទ្ធិសេរីភាពឱ្យបានពេញលេញ ដើម្បីចូលរួមចំណែកជួយដល់សង្គមនៅឡើយទេ ជាពិសេស អ្នកដែលមាននិន្នាការផ្ទុយពីរដ្ឋាភិបាល។ អានព័ត៌មានពិស្ដារ ...
៣ . ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
ក្រុមមន្ត្រីជាន់ខ្ពស់គណបក្សកាន់អំណាច និងក្រុមគ្រួសារត្រកូលហ៊ុន កំពុងគំរាមចាត់វិធានការទៅលើពលរដ្ឋម្នាក់នៅក្រៅប្រទេស ដែលរិះគន់លោក ហ៊ុន ម៉ាណែត តាមរយៈឃ្លីបវីដេអូថា ជាមនុស្សគ្មានសមត្ថភាព និងកាន់តួនាទីដោយសារលោក ហ៊ុន សែន ជាឪពុកលើកបន្តុប។ អានព័ត៌មានពិស្តារ ...
៤ . គណបក្សភ្លើងទៀន ប្រជុំថ្នាក់ដឹកនាំតាមរាជធានី - ខេត្ត ក្រោយការធ្វើទុក្ខបុកម្នេញពីគណបក្សកាន់អំណាច
គណៈកម្មាធិការអចិន្ត្រៃយ៍នៃគណបក្សភ្លើងទៀនបានបន្តជួបប្រជុំជាមួយថ្នាក់ដឹកនាំតាមរាជធានី - ខេត្ត ដើម្បីពិភាក្សាលើស្ថានភាពនយោបាយបច្ចុប្បន្ន ក្រោយថ្នាក់ដឹកនាំសំខាន់ៗ ក្នុងបក្សប្រឆាំងមួយនេះទទួលរងពាក្យបណ្ដឹងបន្តបន្ទាប់ពីគណបក្សកាន់អំណាច។ អ្នកតាមដានសង្គម មើលឃើញថាគណបក្សភ្លើងទៀននឹងប្រឈមជាមួយព្យុះនយោបាយមួយនេះកាន់តែខ្លាំង ប្រសិនបើក្បាលម៉ាស៊ីនដឹកនាំនិងសមាជិក អ្នកគាំទ្រគ្មានយុទ្ធសាស្ត្ររឹងមាំទេនោះ។ អានព័ត៌មានពិស្តារ ...
៥ . ក្រុមស្ត្រីវ័យក្មេងសកម្មការងារសង្គមមិនបំភ្លេចកញ្ញា សេង ធារី បើទោះបីជាកញ្ញាត្រូវជាប់ពន្ធនាគារនៅខេត្តឆ្ងាយ
ភាពក្លាហាន និងការតស៊ូមិនចុះញ៉មរបស់ស្ត្រីខ្មែរសញ្ជាតិអាមេរិក កញ្ញា សេង ធារី នៅតែដក់ជាប់ក្នុងចិត្តស្ត្រីវ័យក្មេងមួយចំនួន ដែលគោរពស្រឡាញ់កញ្ញា។ ពួកគេនៅតែចាត់ទុកកញ្ញា សេង ធារី ដែលជាអ្នកច្បាប់ផង គឺជាគំរូនៃការតស៊ូមតិការពារយុត្តិធម៌សង្គម សិទ្ធិមនុស្ស និងប្រជាធិបតេយ្យ។ អានព័ត៌មានពិស្ដារ ...
៦ . ថៃយល់ព្រមឱ្យកម្ពុជាប្រើពាក្យ « គុនខ្មែរ » ក្នុងព្រឹត្តិការណ៍ស៊ីហ្គេម២០២៣
ភាគីផ្នែកកីឡាប្រទេសថៃ បានយល់ព្រមឱ្យកម្ពុជា ដែលជាប្រទេសម្ចាស់ផ្ទះនៃការប្រកួតស៊ីហ្គេម (SEA Game) ប្រើពាក្យ «គុនខ្មែរ» (Kun Khmer) ក្នុងវិញ្ញាសាប្រកួតកីឡា នៃការប្រកួតស៊ីហ្គេមនាពេលខាងមុខ។ ការសម្រេចរបស់ថៃបែបនេះ ក្រោយពេលមានកិច្ចប្រជុំដែលមានការចូលរួមពីតំណាងសហព័ន្ធកីឡាក្បាច់គុន មកពីក្រុមប្រទេសក្នុងតំបន់អាស៊ាន នៅថ្ងៃទី២៦ ខែមករា ដើម្បីជជែកគ្នាទាក់ទងពាក្យគុនខ្មែរ។ អានព័ត៌មានពិស្ដារ ...
៧ . « ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ »
ករណីវិវាទដីធ្លីរវាងអ្នកមានលុយមានអំណាចដូចគ្នា គឺរវាងអគ្គនាយិកាក្រុមហ៊ុន ហេងអភិវឌ្ឍន៍ អ្នកស្រី សៀង ចាន់ហេង និងប្អូនស្រីបង្កើតរបស់លោកនាយករដ្ឋមន្ត្រី ហ៊ុន សែន គឺអ្នកស្រី ហ៊ុន ប៊ុនធឿន បានដោះស្រាយបញ្ចប់ហើយ ក្រោយមានយកចិត្តទុកដាក់ និងការសម្របសម្រួលជាពិសេសពីលោក ហ៊ុន សែន និងរដ្ឋមន្ត្រីក្រសួងដែនដី លោក ជា សុផារ៉ា។ អានព័ត៌មានពិស្ដារ ...
៩ . អាជ្ញាធរវៀតណាមកោះហៅយុវជនខ្មែរក្រោមម្នាក់ទៀតទៅសាកសួររឿងបង្ហោះព័ត៌មានលើហ្វេសប៊ុក
អាជ្ញាធរវៀតណាមកោះហៅសកម្មជនខ្មែរក្រោមម្នាក់ទៅគំរាមកំហែងមិនឲ្យធ្វើសកម្មភាពចែកចាយព័ត៌មានពាក់ព័ន្ធនឹងសិទ្ធិសេរីភាពខ្មែរកម្ពុជាក្រោម តាមបណ្ដាញសង្គមទៀត។ សកម្មជន និងមន្ត្រីសង្គមស៊ីវិលខ្មែរក្រោមថា វៀតណាមបំបិទសិទ្ធិខ្មែរក្រោមមិនឱ្យផ្សព្វផ្សាយរឿងរ៉ាវដែនដីកម្ពុជាក្រោម និងសិទ្ធិជនជាតិដើមរបស់ខ្មែរក្រោម នេះជាទង្វើរំលោភសិទ្ធិមនុស្សធ្ងន់ធ្ងរ ផ្ទុយនឹងច្បាប់អន្តរជាតិ ដែលវៀតណាមទើបចូលជាសមាជិកថ្មីៗនេះ។ អានព័ត៌មានពិស្ដារ ...
១០ . ក្រសួងមហាផ្ទៃ អនុញ្ញាតឲ្យសមាគមគ្រូបង្រៀនកម្ពុជាឯករាជ្យហែក្បួនធម្មយាត្រា កំណត់ត្រឹម ៥០នាក់
ក្រសួងមហាផ្ទៃអនុញ្ញាតឱ្យសមាគមគ្រូបង្រៀនកម្ពុជាឯករាជ្យ ហែធម្មយាត្រាចាប់ពីថ្ងៃទី១ ខែកុម្ភៈ ប៉ុន្តែបានស្នើឱ្យគណៈកម្មការរៀបចំធម្មយាត្រាសហការជាមួយអាជ្ញាធររាជធានី ខេត្ត ដើម្បីរក្សាសណ្ដាប់ធ្នាប់សាធារណៈ។ ប្រធានសមាគមគ្រូបង្រៀនកម្ពុជាឯករាជ្យរីករាយចំពោះការអនុញ្ញាតរបស់ក្រសួងមហាផ្ទៃបែបនេះ ប៉ុន្តែសោកស្ដាយចំពោះការកំណត់របស់ក្រសួង ដែលតម្រូវឱ្យមានអ្នកចូលរួមត្រឹមតែ៥០នាក់។ អានព័ត៌មានពិស្ដារ ...
១១ . លោក រ៉ុង ឈុន នឹងដឹកនាំធ្វើធម្មយាត្រាលើកកម្ពស់សីលធម៌សង្គមនៅសប្តាហ៍ក្រោយ
ប្រធានសហភាពសហជីពកម្ពុជាលោក រ៉ុង ឈុន ប្រកាសថា លោកនឹងដឹកនាំធ្វើធម្មយាត្រានៅសប្តាហ៍ក្រោយដើម្បីលើកកម្ពស់សីលធម៌សង្គម។ ទន្ទឹមនឹងនេះ លោកក៏អំពាវនាវដល់ប្រជាពលរដ្ឋខ្មែរចូលរួម និងទទួលស្វាគមន៍ធម្មយាត្រានៅតាមដងផ្លូវឱ្យបានច្រើនកុះករ ដើម្បីលើកមុខមាត់ជាតិឡើងវិញ។ មន្ត្រីសង្គមស៊ីវិលជំរុញដល់អាជ្ញាធរជួយសម្របសម្រួល និងអនុញ្ញាតឱ្យហែធម្មយាត្រានោះដោយសន្តិវិធី។ អានព័ត៌មានពិស្តារ ...
១២ . មន្ត្រីសង្គមស៊ីវិលជំរុញពលរដ្ឋឱ្យចេះគិតស៊ីជម្រៅ
ក្រុមមន្ត្រីអង្គការសង្គមស៊ីវិល និងអ្នកពង្រឹងសិទ្ធិអំណាចយុវជន លើកឡើងថា ប្រជាពលរដ្ឋជាច្រើននៅមិនទាន់ចេះគិតពិចារណាឱ្យបានស៊ីជម្រៅនៅឡើយទេ ដែលងាយក្លាយជាជនរងគ្រោះដោយអំពើបោកប្រាស់ផ្សេងៗ។ ពួកគាត់ជំរុញឱ្យពលរដ្ឋ ត្រូវចេះគិតពិចារណាឱ្យស៊ីជម្រៅ ដោយមានហេតុផល និងភស្តុតាង ដើម្បីការពារខ្លួនពីការបោកប្រាស់ផ្សេងៗ ជាពិសេស ពីអ្នកនយោបាយប្រជាភិថុតិ។ ដើម្បីគិតឱ្យបានស៊ីជម្រៅ តើប្រជាពលរដ្ឋត្រូវមានទម្លាប់ និងការគិតបែបណាខ្លះ? អានព័ត៌មានពិស្ដារ ...
១៣ . អាជ្ញាធរខេត្តព្រះសីហនុទទួលជនជាតិចិនដំបូងជាង ១រយនាក់ ខណៈចិនបន្តកើនឡើងអ្នកឆ្លងកូវីដ១៩
អាជ្ញាធរខេត្តព្រះសីហនុ និងមន្ត្រីកំពូលៗនៃក្រសួងទេសចរណ៍បានធ្វើពិធីទទួលស្វាគមន៍ភ្ញៀវទេសចរចិនជាង ១រយនាក់ (១០៤) ជាលើកដំបូងនៅព្រលានយន្តហោះអន្តរជាតិកេងកេងក្នុងខេត្តព្រះសីហនុ។ អ្នកឃ្លាំមើលព្រួយបារម្ភថា ថា កម្ពុជាអាចនឹងមានហានិភ័យខ្ពស់រីករាលដាលជំងឺកូវីដ-១៩ សាជាថ្មី ដោយសារតែកម្ពុជាមិនមានវិធានការរឹតបន្តឹងវិធានការសុខាភិបាលលើទេសចរចិន។ អានព័ត៌មានពិស្ដារ ...
១៤ . ធនាគារ ABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
ធនាគារអេប៊ីអេ (ABA Bank) បានរារាំងការផ្ទេរប្រាក់ឧបត្ថម្ភចំនួនជាង ១ម៉ឺន ៥ពាន់ដុល្លារ ចូលគណនីធនាគាររបស់បុគ្គលិកក្រុមហ៊ុនកាស៊ីណូណាហ្គាវើលដ៍ (Naga World) ៣នាក់ ពីអង្គការក្រៅរដ្ឋាភិបាលមួយនៅប្រទេសអូស្ត្រាលី ឈ្មោះ មូលនិធិសង្គ្រោះបន្ទាន់ (Urgent Action Fund) ដើម្បីគាំទ្រដល់ក្រុមស្ត្រីសហជីពក្រីក្រនៅកម្ពុជា។ អានព័ត៌មានពិស្ដារ ...
១៥ . សហគមន៍ព្រៃព្រះរការនិងព្រៃឡង់ស្នើបង្ក្រាបម៉ាស៊ីនកែច្នៃឈើដើម្បីទប់ស្កាត់បទល្មើសអារឈើ
ប្រជាសហគមន៍ព្រៃព្រះរការ និងព្រៃឡង់ស្នើឱ្យអាជ្ញាធរចុះបង្ក្រាបម៉ាស៊ីនកែឆ្នៃឈើ ដើម្បីទប់ស្កាត់បទល្មើសអារឈើដែលកំពុងកើតមានជាបន្តបន្ទាប់។ អ្នកឃ្លាំមើលបញ្ហាព្រៃឈើ ចោទថា ការបើកសិប្បកម្មកែឆ្នៃឈើខុសច្បាប់យ៉ាងអនាធិបតេយ្យនៅព្រៃអភិរក្ស នេះ ដោយសារតែអាជ្ញាធរជាអ្នកចាំជួយការពារ តាមរយៈការសូកប៉ាន់លុយជាមួយនឹងជនល្មើស។ អានព័ត៌មានពិស្ដារ ...
១៦ . អង្គការសិទ្ធិមនុស្សមួយចាត់ទុកការបកស្រាយរបស់ក្រសួងវប្បធម៌ពីរឿងសិទ្ធិមនុស្សនៅមិនទាន់គ្រប់គ្រាន់
នាយកអង្គការសម្ព័ន្ធភាពការពារសិទ្ធិមនុស្សកម្ពុជាហៅកាត់ថា ច្រាក់( CHRAC)នៅតែទទូចស្នើសុំឱ្យក្រសួងវប្បធម៌ និងវិចិត្រសិល្បៈបើកលំហសិទ្ធិសេរីភាពបញ្ចេញមតិឱ្យកាន់តែទូលាយបន្ថែមទៀត ដើម្បីកុំឱ្យមានការរឹតត្បិតដូចករណីបទចម្រៀង «ឈាមបាតុករ» ។ ការលើកឡើងរបស់នាយកអង្គការរូបនេះគឺបន្ទាប់ពីក្រសួងបានចេញលិខិតឆ្លើយតប និងបកស្រាយថា វីដេអូ(video) មួយចំនួនបានប្រើរូបភាពដែលរំលងហួសពីសិទ្ធិសេរីភាពផ្ទាល់ខ្លួនដែលនាំឱ្យប៉ះពាល់សន្តិសុខសណ្ដាប់ធ្នាប់សង្គម។ អានព័ត៌មានពិស្ដារ ...
១៧ . លោក ហ៊ុន សែន ជំរុញឱ្យប្រើប្រាស់ប្រព័ន្ធឌីជីថល (Digital) ដើម្បីប្រឆាំងអំពើពួករលួយ និងមន្រ្តីខ្មោច
លោក ហ៊ុន សែន ជំរុញឱ្យប្រើប្រាស់ប្រព័ន្ធឌីជីថល (Digital) ដើម្បីប្រឆាំងអំពើពួករលួយនិងមន្រ្តីខ្មោច។ លោក ហ៊ុន សែន លើកឡើងបែបនេះកាលពីថ្ងៃទី២៣ ខែមករា។ លោក ហ៊ុន សែន បញ្ជាក់ទៀតថា ការគ្រប់គ្រងទិន្នន័យតាមរយៈប្រព័ន្ធឌីជីថលអាចជួយបង្កើនល្បឿននិងមានសុវត្ថិភាពនិងអាចប្រឆាំងនឹងអំពើពុករលួយ។ លោក ហ៊ុន សែន បានលើកឧទាហរណ៍ពីការបើកប្រាក់បៀវត្សរ៍ជូនមន្ដ្រីរាជការតាមប្រព័ន្ធធនាគារដែលអាចឱ្យរដ្ឋាភិបាលកន្លងទៅអាចរកឃើញមន្ត្រីខ្មោចរាប់ម៉ឺននាក់។ ទាក់ទងនឹងអំពើពុករលួយនៅកម្ពុជាអង្គការតម្លាភាពអន្តរជាតិកាលពីដើមឆ្នាំ២០២២បានចេញផ្សាយរបាយការណ៍ស្ដីពីសន្ទស្សន៍នៃការយល់ឃើញពីអំពើពុករលួយប្រចាំឆ្នាំ២០២១ រកឃើញថា កម្ពុជាទទួលបាន ២៣ពិន្ទុ ក្នុងចំណោមពិន្ទុ១០០ ដោយទទួលបានចំណាត់ថ្នាក់១៥៧ក្នុងចំណោម១៨០ ប្រទេស។ ចំណាត់ថ្នាក់នេះស្ថានភាពបង្ហាញថា ការប្រយុទ្ធនឹងអំពើពុករលួយមានភាពប្រសើរតិចតួចប៉ុណ្ណោះ។ ម្យ៉ាងវិញទៀតកម្ពុជាកំពុងជាប់ក្នុងបញ្ជីប្រផេះឬប្រទេសដែលមានហានិភ័យខាងលាងលុយកង្វក់របស់អង្គការឃ្លាំមើលអំពើលាងលុយកខ្វក់លើពិភពលោកឈ្មោះក្រុមការងារហិរញ្ញវត្ថុ (FATF)។
១៩ . មន្ត្រីជាន់ខ្ពស់ក្រសួងសេដ្ឋកិច្ចអះអាងថា សេដ្ឋកិច្ចកម្ពុជានៅតែអាចរស់បាន ទោះបីគ្មានប្រព័ន្ធអនុគ្រោះពន្ធ
មន្ត្រីជាន់ខ្ពស់នៃក្រសួងសេដ្ឋកិច្ចនិងហិរញ្ញវត្ថុ លើកឡើងថា សេដ្ឋកិច្ចកម្ពុជាបច្ចុប្បន្នកំពុងលូតលាស់ និងអាចរស់បាន ទោះបីគ្មានប្រព័ន្ធអនុគ្រោះពន្ធរបស់សហរដ្ឋអាមេរិក និងសហភាពអឺរ៉ុប។ មន្ត្រីសង្គមស៊ីវិលមើលឃើញថា ការបាត់បង់ប្រព័ន្ធអនុគ្រោះពន្ធ ជាការខាតបង់ប្រយោជន៍សេដ្ឋកិច្ច ប៉ះពាល់ធ្ងន់ធ្ងរដល់ជីវភាពប្រជាពលរដ្ឋ និងការនាំចេញ។
២០ . តើប្រទេសខ្សែទឹកខាងក្រោមទន្លេមេគង្គរងផលប៉ះពាល់យ៉ាងណាខ្លះរដូវប្រាំងឆ្នាំនេះដោយសារចិនបើកទឹកមុនកាលកំណត់ ?
ខុសប្លែកពីបណ្តាឆ្នាំមុនៗ រដូវប្រាំងឆ្នាំ២០២៣នេះ ប្រទេសចិនដែលស្ថិតនៅខ្សែទឹកខាងលើនៃទន្លេមេគង្គ បានចាប់ផ្តើមបើកទ្វាទឹកទំនប់វារីអគ្គិសនីដ៏ធំរបស់ខ្លួននៅមុនកាលកំណត់ប្រមាណជា៥ខែដើម្បីផលិតអគ្គិសនី។ ក្រុមអ្នកជំនាញតំបន់មេគង្គព្រួយបារម្ភថា ទង្វើរបស់ចិនអាចនឹងបង្កឱ្យមាននូវភាពមិនប្រក្រតីនៃរំហូរទឹកទន្លេដែលអាចប៉ះពាល់ធ្ងន់ធ្ងរដល់ប្រព័ន្ធអេកូឡូស៊ី និងការប្រកបជីវភាពប្រចាំថ្ងៃរបស់ពលរដ្ឋនៅតាមប្រទេសខ្សែទឹកខាងក្រោម។
២១ . សហព័ន្ធខ្មែរកម្ពុជាក្រោមអំពាវនាវដល់ព្រះសង្ឃខ្មែរក្រោម កុំឱ្យធ្វើតាមបង្គាប់វៀតណាម
សហព័ន្ធខ្មែរកម្ពុជាក្រោម អំពាវនាវឲ្យព្រះសង្ឃខ្មែរក្រោម ដែលវៀតណាមបង្ខំឲ្យបំបិទសិទ្ធិសាសនាខ្មែរកម្ពុជាក្រោម កុំធ្វើឲ្យតាមបង្គាប់វៀតណាម ដើម្បីផលប្រយោជន៍ និងលាភសក្ការៈ។ ការអំពាវនាវនេះ ធ្វើឡើងបន្ទាប់ពី អាជ្ញាធរវៀតណាម បានប្រើប្រាស់ សមាគមព្រះសង្ឃសាមគ្គីស្នេហាជាតិប្រចាំខេត្ត ឃ្លាំងមិនទទួលស្គាល់ សាមណេរខ្មែរក្រោមមួយអង្គ ដែលសកម្មក្នុងការពារ សិទ្ធិមនុស្ស និងសាសនារបស់ពលរដ្ឋខ្មែរក្រោម។ អានព័ត៌មានពិស្តារ ...
២២ . គ្រួសារ និងមេធាវីទាមទារតុលាការដោះលែងអនុប្រធានបក្សភ្លើងទៀនលោក ថាច់ សេដ្ឋា ឱ្យមានសេរីភាពវិញ
គ្រួសារ និងមេធាវី ទាមទារតុលាការឲ្យដោះលែងអនុប្រធានបក្សភ្លើងទៀនលោក ថាច់ សេដ្ឋា ឱ្យមានសេរីភាពឡើងវិញ ដើម្បីចូលរួមធ្វើនយោបាយ មុនការបោះឆ្នោតជាតិ នៅខែកក្កដាខាងមុខ។ មេធាវីកត់សម្គាល់ថា ការលើកសំអាងអំពីសែកស្អុយរបស់តុលាការ មកដាក់បន្ទុកកូនក្តីមានភាពមិនប្រក្រតី ខណៈលោក ថាច់ សេដ្ឋា អះអាងថា លោកមិនបានព្រឹត្តបទល្មើសដូចការចោទប្រកាន់នោះទេ។ https://www.rfa.org/khmer/news/politics/family-and-lawyers-demand-court-release-of-clp-vice-president-mr-thach-setha-01252023032223.html ...
២៣ . យុវជនបរិស្ថានបារម្ភពីសុវត្ថិភាពក្រោយពីអាជ្ញាធរតាមឃ្លាំមើលពួកគេគ្រប់ទីកន្លែង ក្រុមយុវជនបរិស្ថានបារម្ភពីសុវត្ថិភាព ក្រោយពីអាជ្ញាធរមួយចំនួនតាមឃ្លាំមើលពួកគេគ្រប់ទីកន្លែង ដោយសារតែធ្វើសកម្មភាពផ្សព្វផ្សាយពីកោះកុងក្រៅកាលពីថ្មីៗ នេះ។ អ្នកតស៊ូមតិបញ្ហាបរិស្ថានថា ការតាមដានរបស់អាជ្ញាធរនេះ ជាទង្វើអាក្រក់មួយនៅក្នុងសង្គម ដែលធ្វើឱ្យប៉ះពាល់ដល់សិទ្ធិសេរីភាពបញ្ចេញមតិរបស់យុវជន។ អានព័ត៌មានពិស្តារ ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។