བལ་ཡུལ་གྱི་ཆུ་ལོག་ཁྲོད་བཙུམ་ཁུལ་གྱི་འབྲོག་པ་ལྔ་གར་སོང་ཆ་མེད་དུ་སོང་འདུག

བལ་ཡུལ་དབུས་ཕྱོགས་གོར་ཁ་རྫོང་ཁུལ་ Budhi Gandaki གཙང་པོར་ཆུ་ལོག་གི་དོན་རྐྱེན་ཚབས་ཆེ་བྱུང་བའི་ཁྲོད་བལ་བོད་ས་མཚམས་བཙུམ་ཁུལ་གྱི་འབྲོག་པ་བུད་མེད་གཉིས་དང་སྐྱེས་པ་གསུམ་གར་སོང་ཆ་མེད་དུ་འགྱུར་འདུག

ཕྱི་ལོ་ ༢༠༢༦ ཟླ་ ༡༠ ཚེས་ ༡༡ རེས་གཟའ་ཉི་མའི་ཞོགས་པ་བལ་ཡུལ་དབུས་ཕྱོགས་གོར་ཁ་རྫོང་གི་ཁྱབ་ཁོངས་Budhi Gandaki གཙང་པོའི་ཁུལ་དུ་ཆུ་ལོག་གི་དོན་རྐྱེན་ཚབས་ཆེ་བྱུང་བའི་ཁྲོད་བལ་བོད་ས་མཚམས་བཙུམ་ཁུལ་གྱི་འབྲོག་པ་བེུད་གཉིས་དང་སྐྱེས་པ་གསུམ་གར་སོང་ཆ་མེད་དུ་འགྱུར་ཡོད་པ་ས་གནས་སུ་འགོ་དཔོན་ཞིག་གི་སྐུ་མཆེད་ཡིན་པ་བྱེས་ཀྱི་གདན་ས་དགའ་ལྡན་ཤར་རྩེའི་མཁན་རིན་པོ་ཆེ་བྱང་ཆུབ་སངས་རྒྱས་མཆོག་གིས་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་།

ཆུ་ལོག་གི་དོན་རྐྱེན་དེའི་འོག་ས་ཆ་དམའ་སར་ཡོད་པའི་མི་མང་གི་སྡོད་ཁྱིམ་དང་ཟམ་པ་གཏོར་བཤིག་སོང་པ་དང་འགྲུལ་ལམ་འགག་པ་སོགས་ཀྱི་མི་གྲངས་ ༦༥༠ ཙམ་ལ་གནོད་སྐྱོན་བྱུང་ཡོད་པའི་གནས་ཚུལ་འདུགཆུ་ལོག་གི་དོན་རྐྱེན་དེ་བྱུང་བའི་རྗེས་བལ་ཡུལ་གཞུང་གི་ཐད་འཕུར་གནམ་གྲུ་བཏང་སྟེ་མི་གྲངས་ ༧༠༠ ས་གནས་སུ་འགྲེམ་འཇོག་གིས་མྱུར་སྐྱོབ་ཀྱི་ལས་འགུལ་སྤེལ་ཡོད་ཅིང་། ད་བར་མི་གྲངས་ ༩༥ མྱུར་སྐྱོབ་ཐུབ་པའི་ནང་ཕྱི་རྒྱལ་གྱི་འགྲུལ་བཞུད་པ་ ༩ ཚུད་ཡོད་འདུག

ད་རེས་བལ་ཡུལ་གྱི་གོར་ཁ་རྫོང་ཁུལ་དུ་ཆུ་ལོག་དོན་རྐྱེན་བྱུང་བ་དེ་ནི་ཉེ་ཆར་བལ་བོད་ས་མཚམས་སྐྱིད་གྲོང་དང་ར་སུ་ཝ་ཁུལ་དུ་ཆུ་ལོག་གི་དོན་རྐྱེན་དང་མི་འདྲ་བ་ཞིག་བྱུང་ཡོད་ཅིང་། རི་དང་ས་ཉིལ་བར་བརྟེན་ནས་ཆུ་ལོག་དེ་བྱུང་པར་ངོས་འཛིན་བྱེད་ཀྱི་ཡོད་འདུག བལ་བོད་ས་མཚམས་སྐྱིད་གྲོང་ཁུལ་དུ་ཕྱི་ཟླ་ ༨ ཚེས་ ༢༦ ཉིན་བྱུང་པའི་འཁྱགས་རོམ་ཉིལ་བ་ལས་བྱུང་པར་ངོས་འཛིན་བྱེད་བཞིན་བའི་འདམ་རྡོ་ཆུ་རུད་ཀྱི་དོན་རྐྱེན་དེའི་འོག་མི་གྲངས་ ༡༤༠༠ ཙམ་གྱི་ཚེ་སྲོག་ཤོར་བ་དང་མི་གྲངས་ ༥༠༠༠ ཙམ་གར་སོང་ཆ་མེད་དུ་འགྱུར་ཡོད་པ་བརྗོད་ཀྱི་ཡོད་པ་རེད་ལ། དོན་རྐྱེན་དེ་བྱུང་ནས་ཕྱི་ཚེས་ ༡༣ ཉིན་ཉིན་ཞག་ ༤༩ སོང་བའི་དུས་ཚིགས་འཁེལ་བ་དང་བསྟུན་ནས་དགའ་ལྡན་ཤར་རྩེ་གྲྭ་ཚང་གིས་གདུང་སེམས་མཉམ་སྐྱེད་དང་བསྔོ་སྨོན་མཆོད་འབུལ་གནང་བཞིན་ཡོད་པ་མཁན་རིན་པོ་ཆེ་བྱང་ཆུབ་སངས་རྒྱས་མཆོག་གིས་གསུངས་བྱུང་།།

ཁ་སྣོན་གསར་འགོད། བདེ་སྐྱིད་ཀུན་སྒྲོལ།

བརྙན་པར་སྒྲིག་སྦྱོར་བ། པདྨ་དངོས་གྲུབ།

འབྲེལ་ཡོད་གནས་ཚུལ།

སྐྱིད་གྲོང་གྱི་གནོད་འཚེ་བྱུང་ཡུལ་དུ་བོད་མིའི་ངལ་སེལ་རོགས་སྐྱོར་ལ་བཀག་སྡོམ།

སྐྱིད་གྲོང་འགག་སྒོའི་རི་ཟུར་གྲོང་ཚོ་ནས་མི་ ༢༦ འདས་གྲོངས་སུ་སོང་ཡོད་པ་བརྗོད་བྱུང་།

གནས་སྤོ་དང་མྱུར་སྐྱོབ་ཁྲོད་ཀྱི་གནས་ཚུལ་ལ་བོད་ནང་དུ་ཚོད་འཛིན།

སྐྱིད་གྲོང་གི་ཁྱིམ་དུད་ ༡༥ དང་གར་སོང་ཆ་མེད་དུ་སོང་བའི་བོད་མི་སྣེ་ཤེན་པ་བཅུ།

འདམ་རུད་ཆུ་ལོག་གོད་ཆག་གི་རྒྱུ་རྐྱེན་གླེང་པ།

གངས་རིའི་འཁྱགས་རུད་ལས་བྱུང་བའི་གནོད་འཚེ་རེད་དམ།

སྐར་མ་གསུམ་གྱི་ནང་ལ་ཡོད་ཚད་འཁྱེར་བའི་ཆུ་རུད།

བལ་ཡུལ་ཏི་མུ་རེ་ནས་བོད་པ་ ༣༥ ཙམ་དང་བོད་སྐྱིད་གྲོང་གི་བོད་མི་ཁྱིམ་ཚང་མང་པོ་ཆུས་འཁྱེར།

འདམ་རུད་ཀྱི་རྐྱེན་རྩ་འདི་འཁྱགས་རྡོ་ཉིལ་བའི་རྐྱེན་གྱིས་ཡིན་པར་ངོས་འཛིན་གནང་གི་འདུག

བོད་ཀྱི་སྐྱིད་གྲོང་དང་བལ་ཡུལ་གྱི་ས་མཚམས་སུ་འདམ་རུད་དང་ཆུ་ལོག་ཚབས་ཆེན་བྱུང་འདུག