១ . សង្គមស៊ីវិលប្រារព្ធទិវាសិទ្ធិមនុស្សអន្តរជាតិ ដោយស្នើឱ្យរដ្ឋាភិបាលបើកលំហសិទ្ធិសេរីភាព
បុគ្គលិកអង្គការសង្គមស៊ីវិល សកម្មជនសិទ្ធិមនុស្ស សកម្មជនបរិស្ថាន យុវជន និងប្រជាសហគមន៍មកពីតាមបណ្ដាខេត្តនានា សរុបជិត១ពាន់ ៥រយនាក់ (១.៥០០នាក់) បានចូលរួមប្រារព្ធទិវាសិទ្ធិមនុស្សអន្តរជាតិនៅថ្ងៃទី១០ ធ្នូ នេះ។ ក្រុមអង្គការសង្គមស៊ីវិល និងសកម្មជន ស្នើសុំឲ្យ រដ្ឋាភិបាលត្រូវបញ្ឈប់ការគំរាមកំហែងប្រជាពលរដ្ឋនៅក្នុងការអនុវត្តសិទ្ធិនយោបាយ សង្គមកិច្ច សេដ្ឋកិច្ច និងវប្បធម៌។ អានព័ត៌មានពិស្តារ ...
២ . អាជ្ញាធរវៀតណាមរារាំងពលរដ្ឋខ្មែរក្រោមមិនឲ្យប្រារព្ធទិវាសិទ្ធិមនុស្សអន្តរជាតិ
អាជ្ញាធរវៀតណាមជាង១០នាក់ រារាំងពលរដ្ឋខ្មែរក្រោមនៅស្រុកថ្កូវ ខេត្តព្រះត្រពាំង កម្ពុជាក្រោម ដែលវៀតណាមហៅថា ស្រុកត្រាគូ (Tra Cu) ខេត្តត្រាវិញ (Tra Vinh) មិនឲ្យប្រារព្ធទិវាសិទ្ធិមនុស្សអន្តរជាតិ ខួបលើកទី៧៥ឆ្នាំ។ ខ្មែរក្រោមចាត់ទុកទង្វើរបស់អាជ្ញាធរវៀតណាម ថាជាការបំបិទសិទ្ធិរបស់ពួកគាត់។ អានព័ត៌មានពិស្តារ ...
៣ . សកម្មជនបរិស្ថានរិះគន់លោក ហ៊ុន សែន ថាផ្តល់អាទិភាពអភិវឌ្ឍតំបន់ឆ្នេរព្រះសីហនុសម្រាប់ប្រយោជន៍តែជនជាតិចិន និងក្រុមឈ្មួយអ្នកមានអំណាចតែប៉ុណ្ណោះ
លោកនាយករដ្ឋមន្ត្រី ហ៊ុន សែន ប្រកាសថា រដ្ឋាភិបាលបានកំណត់តំបន់ឆ្នេរសមុទ្រខេត្តព្រះសីហនុជាគោលដៅអភិវឌ្ឍសេដ្ឋកិច្ចទី២ ក្នុងតំបន់សេដ្ឋកិច្ចពិសេសពហុបំណង។ សកម្មជនការពារបរិស្ថាន និងអ្នកតាមដានការអភិវឌ្ឍសង្គម ព្រួយបារម្ភថា គម្រោងអភិវឌ្ឍតំបន់ឆ្នេរសមុទ្រនៅព្រះសីហនុនេះ នឹងធ្វើឱ្យប៉ះពាល់ដល់បរិស្ថានសមុទ្រ។ អានព័ត៌មានពិស្តារ ...
៤ . អាជ្ញាធរវៀតណាមឃាត់ខ្លួនយុវជនខ្មែរក្រោម២នាក់ បន្ទាប់ពីពួកគេ វិលត្រលប់ពីកម្ពុជាវិញ
អាជ្ញាធរវៀតណាមឃាត់ខ្លួនសកម្មជនខ្មែរក្រោម២នាក់ និងដកហូតលិខិតឆ្លងដែនរបស់ពួកគាត់ នៅព្រំដែនអន្តរជាតិស្រុកក្របៅ ខេត្តមាត់ជ្រូក ដែលវៀតណាមហៅថា ស្រុកទិញបៀន(Tinh Bien) និងខេត្តអានយ៉ាង (An Giang) ក្រោយពីពួកគាត់ វិលត្រឡប់ពីប្រទេសកម្ពុជា ចូលទៅស្រុកកំណើតនៅកម្ពុជាក្រោមវិញ។ មូលហេតុដែលវៀតណាមរឹបអូសយកលិខិតឆ្លងដែន ដោយសារសមត្ថកិច្ចវៀតណាម ចោទប្រកាន់យុវជនទាំង២នាក់ថា ធ្វើខុសនឹងបម្រាមរបស់រដ្ឋាភិបាលវៀតណាម ដែលហាមមិនឲ្យផ្ដល់ព័ត៌មាន ឬទាក់ទងនឹងសហព័ន្ធខ្មែរកម្ពុជាក្រោមនៅក្រៅប្រទេស។ អានព័ត៌មានពិស្តារ ...
៥ . ក្រសួងអប់រំចុះស្រាវស្រាវករណីសង្ស័យថា ប្រធានមន្ទីរអប់រំខេត្តត្បូងឃ្មុំជាប់ពាក់ព័ន្ធការប្រព្រឹត្តអំពើរលួយ
ក្រសួងអប់រំ យុវជន និងកីឡាបង្កើតក្រុមអធិការកិច្ចមួយចុះស្រាវជ្រាវជុំវិញករណីប្រធានមន្ទីរអប់រំខេត្តត្បូងឃ្មុំម្នាក់សង្ស័យថា ជាប់ពាក់ព័ន្ធនឹងការប្រព្រឹត្តអំពើរលួយកន្លងមក។ ការស៊ើបអង្កេតនេះ ធ្វើឡើងបន្ទាប់ពីមន្រ្តីអប់រំខេត្តត្បូងឃ្មុំជាច្រើននាក់កាលពីពេលថ្មីៗនេះចោទប្រកាន់ថា ប្រធានមន្ទីរខេត្តនេះ គឺលោក អ៊ីន ពៅសម្បត្តិ ដឹកនាំអង្គភាពគ្មានតម្លាភាព ជាពិសេសបានកេងប្រវ័ញ្ចយកប្រាក់ពីបុគ្គលិករបស់ខ្លួនក្នុងចំនួនរាប់រយលានរៀល ដើម្បីផលប្រយោជន៍ផ្ទាល់ខ្លួន។ ប៉ុន្តែសង្គមស៊ីវិលជំរុញក្រសួងអប់រំបង្កើតគណៈកម្មការស៊ើបអង្កេតដោយឯករាជ្យ និងតម្លាភាព ដើម្បីទប់ស្កាត់អំពើពុករលួយក្នុងវិស័យអប់រំឱ្យមានប្រសិទ្ធភាព។ អានព័ត៌មានពិស្តារ ...
៦ . មន្ត្រីសង្គមស៊ីវិលថា បំណុលវិស័យធនាគារនៅតែបង្កឱ្យមានការរំលោភសិទ្ធិមនុស្ស
មន្ត្រីសង្គមស៊ីវិលធ្វើការងារផ្នែកសិទ្ធិមនុស្សលើកឡើងថា កម្ចីរបស់គ្រឹះស្ថានមីក្រូហិរញ្ញវត្ថុ និងធនាគារនៅកម្ពុជានៅតែបង្កឱ្យមានការរំលោភសិទ្ធិមនុស្ស។ ទោះយ៉ាងណា មន្ត្រីរដ្ឋាភិបាលធ្វើការផ្នែកសិទ្ធិមនុស្សថា វិស័យកម្ចីដែលកំពុងរីកដុះដាលដូចសព្វថ្ងៃនេះ បានរួមចំណែកលើកកម្ពស់ជីវភាពពលរដ្ឋ ផ្ទុយទៅវិញពលរដ្ឋដែលជាកូនបំណុលមិនបានបំពេញកាតព្វកិច្ច គឺម្ចាស់បំណុលមានសិទ្ធិរឹបអូសទ្រព្យបញ្ចាំរបស់កូនបំណុល។ អានព័ត៌មានពិស្តារ ...
៧ .សង្គមស៊ីវិលគាំទ្រសហភាពអឺរ៉ុបហាមនាំចូលផលិតផលណា បំផ្លាញព្រៃឈើ
ក្រុមអង្គការសង្គមស៊ីវិលគាំទ្រ ចំណាត់ការរបស់សហភាពអឺរ៉ុប (EU) បានឯកភាពលើកិច្ចព្រមព្រៀងហាមនាំចូលផលិតផល ដែលដុតបំផ្លាញព្រៃឈើ។ ពួកគាត់រំពឹងថា វិធានការនេះនឹងរួមចំណែក ទប់ស្កាត់ការកាប់រុករានទន្ទ្រានព្រៃឈើទ្រង់ទ្រាយធំ ដើម្បីយកដីធ្វើកសិកម្ម ដោយក្រុមអ្នកមានអំណាច និងឧកញ៉ា ឃុបឃិតជាមួយអាជ្ញាធររដ្ឋាភិបាល។ អានព័ត៌មានពិស្តារ...
៨ . រដ្ឋអាជ្ញាអាមេរិក លាតត្រដាងវីដេអូលោក គ្រី ម៉ះផល នាំយកសត្វស្វាក្ដាមព្រៃឱ្យក្រុមហ៊ុន Vanny Bio-Research ដើម្បីនាំចេញ
រដ្ឋអាជ្ញាតុលាការសហព័ន្ធអាមេរិកប្រចាំតំបន់ លាតត្រដាងវីដេអូ ដែលជាភស្តុតាងរឹងមាំ ក្នុងការបញ្ជាក់ថា លោក គ្រី ម៉ះផល ពិតជាបាននាំយកសត្វស្វាក្ដាម ដែលត្រូវបានគេចាប់ពីព្រៃទៅផ្គត់ផ្គង់ដល់ក្រុមហ៊ុន វ៉ាន់នី បាយអូ រីស៊ើច (Vanny Bio-Research) ដើម្បីនាំចេញទៅលក់នៅក្រៅប្រទេស។ អានព័ត៌មានពិស្តារ ...
៩ . ក្រុមស្រ្តីថ្ងៃសុក្រចេញតវ៉ាស្វែងរកយុត្តិធម៌ឱ្យគ្រួសារមុនកិច្ចប្រជុំអាស៊ាន-អឺរ៉ុបនៅសប្តាហ៍ក្រោយ
ក្រុមស្រ្តីថ្ងៃសុក្រចេញតវ៉ាដោយសន្តិវិធីដើម្បីស្នើដល់សហភាពអឺរ៉ុបជួយអន្តរាគមន៍ទៅរដ្ឋាភិបាលលោក ហ៊ុន សែន ឱ្យដោះលែងសមាជិកគ្រួសារពួកគេនៅក្នុងកិច្ចប្រជុំកំពូលអាស៊ាន-អឺរ៉ុបនៅសប្តាហ៍ក្រោយ។ ទោះបីយ៉ាងណាមន្រ្តីជាន់ខ្ពស់រដ្ឋាភិបាលថាការចាប់និងឃុំសកម្មជនបក្សប្រឆាំងកន្លងមកគឺជាការអនុវត្តច្បាប់។ អានព័ត៌មានពិស្តារ...
១០ . បញ្ជីបោះឆ្នោតអាចកើនឡើងដល់ជាង ៩លាន ៥សែននាក់
លទ្ធផលបណ្ដោះអាសន្នរបស់គណៈកម្មាធិការជាតិរៀបចំការបោះឆ្នោត (គ.ជ.ប) បង្ហាញថា ចំនួនពលរដ្ឋមានឈ្មោះទៅបោះឆ្នោតជាតិឆ្នាំ២០២៣ខាងមុខនេះ អាចនឹងកើនឡើងដល់ជាង ៩លាន៥សែននាក់ លើសពីបញ្ជីឈ្មោះក្នុងការបោះឆ្នោតឃុំ-សង្កាត់អាណត្តិទី៥ ខែមិថុនា ឆ្នាំ២០២២ កន្លងទៅ ដែលមានឈ្មោះអ្នកបោះឆ្នោតជាង ៩លាន២សែននាក់។ អានព័ត៌មានពិស្តារ ...
១១ . តុលាការស្តាប់សេចក្តីសន្និដ្ឋានចុងក្រោយនៃសំណុំរឿងថ្នាក់ដឹកនាំ និងសកម្មជនបក្សប្រឆាំង៣៩នាក់
សាលាដំបូងរាជធានីភ្នំពេញនៅ ព្រឹកថ្ងៃទី៨ ធ្នូ បន្តបើកសវនាការជំនុំជម្រះលើសំណុំរឿងសកម្មជននិងថ្នាក់ដឹកនាំគណបក្សប្រឆាំង ៣៩នាក់ ដោយការស្ដាប់សេចក្ដីសន្និដ្ឋានបញ្ចប់លើអង្គសេចក្ដី។ ជាមួយគ្នានេះជនជាប់ឃុំស្នើឱ្យតុលាការទម្លាក់ចោលការចោទប្រកាន់ និងដោះលែងពួកគេឱ្យបានសេរីភាពវិញដោយឥតលក្ខខណ្ឌ។ អានព័ត៌មានពិស្តារ ...
១២ . សង្គមស៊ីវិល ស្នើឱ្យអាជ្ញាធរស៊ើបអង្កេតករណី ស្ត្រីជួបគ្រោះថ្នាក់ចរាចរណ៍ត្រូវគេយកមេដៃទៅផ្ដិតទទួលយកសំណងមិនសមស្រប
មន្ត្រីសង្គមស៊ីវិលជំរុញឱ្យអាជ្ញាធរបើកការស៊ើបអង្កេតឡើងវិញលើករណីផ្ដិតមេដៃទទួលសំណងមិនសមស្របរបស់ស្ត្រីរងគ្រោះក្នុងគ្រោះថ្នាក់ចរាចរណ៍និងអនុវត្តតាមច្បាប់លើជនបង្ក។ពួកគាត់ថាការបណ្ដោយឱ្យជនបង្ករួចខ្លួនដោយគ្រាន់តែបង់ថ្លៃសំណងបន្តិចបន្តួចជាវប្បធម៌អាក្រក់បង្កឱ្យមានអំពើពុករលួយការរំលោភច្បាប់និងមិនឱ្យតម្លៃលើអាយុជីវិតជនរងគ្រោះ។ អានព័ត៌មានពិស្តារ ...
១៣ . គណៈកម្មាធិការសិទ្ធិមនុស្សរដ្ឋាភិបាលថា នឹងចុះអង្កេតករណីរំលោភសិទ្ធិមនុស្សនៅមណ្ឌលសង្គមកិច្ចព្រៃស្ពឺ
មន្ត្រីគណៈកម្មាធិការសិទ្ធិមនុស្សរដ្ឋាភិបាល អះអាងថា មន្ត្រីរបស់ខ្លួន នឹងចុះអង្កេតករណីរំលោភសិទ្ធិមនុស្សនៅមណ្ឌលសង្គមកិច្ចព្រៃស្ពឺ ក្រោយអង្គការសិទ្ធិមនុស្សលីកាដូ រកឃើញថា មានករណីអ្នកជាប់ឃុំ ស្លាប់នៅទីនោះជាបន្តបន្ទាប់ និងមានការរំលោភសិទ្ធិមនុស្ស នៅក្នុងមណ្ឌលនោះ។ មន្ត្រីសង្គមស៊ីវិលស្នើទៅរដ្ឋាភិបាលគួរដោះស្រាយបញ្ហានេះឱ្យឆាប់រហ័ស និងបិទមណ្ឌលសង្គមកិច្ចព្រៃស្ពឺ ដើម្បីបញ្ឈប់ការរំលោភសិទ្ធិមនុស្សនៅទីនោះ។ អានព័ត៌មានពិស្តារ...
១៤ . លោក ឡី សុខុន ប្ដេជ្ញាបន្តនយោបាយជាមួយបក្សប្រឆាំង ក្រោយចេញពីពន្ធនាគារ
មន្ត្រីគណបក្សភ្លើងទៀននៅខេត្តបាត់ដំបងដែលអាជ្ញាធរទើបដោះលែងចេញពីពន្ធនាគារ នៅតែប្រកាន់ជំហរ និងឆន្ទៈមោះមុត ដើម្បីចូលរួមលើកស្ទួយប្រជាធិបតេយ្យ និងនីតិរដ្ឋនៅកម្ពុជា។ មន្ត្រីសង្គមស៊ីវិល គាំទ្រការបន្តសកម្មភាពនយោបាយរបស់លោក ឡី សុខុន និងនៅតែចាត់ទុកថា ការឃុំខ្លួនលោកជារឿងអយុត្តិធម៌។ អានព័ត៌មានពិស្តារ...
១៥ . អង្គការលីកាដូ ចេញសេចក្ដីថ្លែងការណ៍ ស្នើរដ្ឋាភិបាលបិទមណ្ឌលសង្គមកិច្ចព្រៃស្ពឺ ក្រោយពីរកឃើញមានមនុស្សស្លាប់ជាបន្តបន្ទាប់
អង្គការលីកាដូស្នើឱ្យរដ្ឋាភិបាលបិទមណ្ឌលសង្គមកិច្ចព្រៃស្ពឺរបស់រដ្ឋ បន្ទាប់ពីរកឃើញអ្នកជាប់ឃុំនៅក្នុងមណ្ឌលនេះបានស្លាប់ដោយសារការឃុំខ្លួនមិនត្រឹមត្រូវជាបន្តបន្ទាប់។ មន្ត្រីសង្គមស៊ីវិលយល់ថា រដ្ឋាភិបាល និងស្ថាប័នពាក់ព័ន្ធ គួរបិទមណ្ឌលសង្គមកិច្ចទាំងឡាយណា ដែលរំលោភសិទ្ធិមនុស្ស ដោយមានការឃុំខ្លួន និងធ្វើទារុណកម្មមនុស្ស។ អង្គការការពារសិទ្ធិមនុស្សនេះថា រដ្ឋត្រូវធានានូវសិទ្ធិរស់រានមានជីវិតរបស់ពលរដ្ឋ ទោះពួកគេមានមុខរបរអ្វីក៏ដោយ។ អានព័ត៌មានពិស្តារ ...
១៦ . បេក្ខជនបោះបង់ការប្រឡងសញ្ញាបត្រមធ្យមសិក្សាទុតិយភូមិដោយសារបញ្ហាជីវភាព
បេក្ខជនដែលបោះបង់ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប បណ្តាលមកពីគុណភាពអប់រំនៅសាលារដ្ឋ។ មន្ត្រីសង្គមស៊ីវិលនិងអ្នកតាមដានបញ្ហាសង្គម យល់ឃើញថា កម្សោយនៃការពង្រឹងប្រព័ន្ធអប់រំ និងបញ្ហាជីវភាពគ្រូបង្រៀន ជាកត្តារារាំងដល់ការសិក្សារបស់សិស្ស។ អានព័ត៌មានពិស្តារ ...
១៧ . ក្រុមយុវជនបន្តជិះកង់ថ្ងៃទី២ ទាមទារឱ្យរដ្ឋាភិបាលផ្ដល់យុត្តិធម៌សង្គម
ថ្ងៃទី២ នៃយុទ្ធនាការជិះកង់ប្រវែងជាង ៣០០គីឡូម៉ែត្រពីខេត្តសៀមរាប ទៅកាន់រាជធានីភ្នំពេញ របស់ក្រុមសកម្មជនសិទ្ធិមនុស្ស បានធ្វើដំណើរដល់ព្រំប្រទល់ស្រុកស្ទោង និងស្រុកកំពង់ស្វាយ ខេត្តកំពង់ធំហើយ នៅរសៀលថ្ងៃទី៧ ខែធ្នូ ក្រោមការឃ្លាំមើល និងសួរនាំពីអាជ្ញាធរតាមដងផ្លូវជាហូរហែ។ យុទ្ធនាការថ្ងៃដដែលនេះ ក្រុមយុវជនផ្ញើសារទៅកាន់ រដ្ឋាភិបាលឱ្យចាប់អារម្មណ៍ ជួយជ្រោមជ្រែងយុត្តិធម៌សង្គមឡើងវិញ។ អានព័ត៌មានពិស្តារ ...
១៨ . អ្នកឃ្លាំមើលថា អ្នកជំនាញនឹងចារជាប្រវត្តិសាស្ត្រចំពោះរដ្ឋាភិបាលលោក ហ៊ុន សែន ដែលបណ្តែតបណ្ដោយឱ្យមានឧក្រិដ្ឋកម្មគ្រឿងញៀន
អ្នកឃ្លាំមើល រិះគន់រដ្ឋាភិបាលលោក ហ៊ុន សែន ករណីជនជាតិចិនអាចដឹកជញ្ជូនសារធាតុគីមីផ្សំកែច្នៃគ្រឿងញៀន និងបើករោងចក្រផលិតនៅកម្ពុជា។ អ្នកនាំពាក្យគណបក្សកាន់អំណាចទទួលស្គាល់ថា សមត្ថកិច្ចនៃស្ថាប័នជំនាញនៅមានចន្លោះប្រហោងច្រើនក្នុងការបង្ក្រាបក្រុមឧក្រិដ្ឋជនដែលដឹកជញ្ជូនសារធាតុគីមីយកមកផលិតគ្រឿងញៀននៅកម្ពុជា។ អានព័ត៌មានពិស្តារ ...
១៩ . សមាគមព្រះសង្ឃខ្មែរក្រោមស្នើឲ្យអាជ្ញាធរវៀតណាមនៅខេត្តលង់ហោរអនុញ្ញាតឲ្យព្រះសង្ឃនិងពលរដ្ឋខ្មែរក្រោមអាចប្រតិបត្តិព្រះពុទ្ធសាសនាដោយសេរី
សមាគមព្រះសង្ឃខ្មែរក្រោមនៅអាមេរិកខាងជើង ស្នើឲ្យអាជ្ញាធរវៀតណាមនៅខេត្តលង់ហោរ អនុញ្ញាតឲ្យព្រះសង្ឃនិងពលរដ្ឋខ្មែរក្រោម អាចប្រតិបត្តិព្រះពុទ្ធសាសនា ដោយសេរី និងគ្មានការធ្វើទុក្ខបុកម្នេញ។ សំណើនេះធ្វើឡើង ក្រោយពេលអាជ្ញាធរវៀតណាមបានបន្តរឹតត្បិតសិទ្ធិសេរីភាពផ្នែកសាសនារបស់ព្រះសង្ឃនិងពលរដ្ឋខ្មែរក្រោម។ ក្រសួងការបរទេសអាមេរិកនៅដើមខែធ្នូនេះ បានដាក់ប្រទេសវៀតណាម ក្នុងបញ្ជីតាមដានពិសេសនៃប្រទេសដែលរំលោភនិងអនុញ្ញាតឲ្យមានការរំលោភសិទិ្ធសេរីភាពសាសនា។ អានព័ត៌មានពិស្តារ ...
១៩ . លោក ហេង សួរ មន្ត្រីចិត្តឆៅដ៏មានឥទ្ធិពលក្នុងក្រសួងការងារ
មនុស្សជំនិតម្នាក់របស់លោក ហ៊ុន ម៉ាណែត កំពុងលេចមុខមាត់ខ្លាំងទាំងនៅក្នុងជួរបក្ស និងក្នុងរដ្ឋាភិបាល។ បុគ្គលម្នាក់នេះហ៊ានធ្វើអ្វីគ្រប់បែបយ៉ាង ដើម្បីសម្រេចគោលដៅរបស់ខ្លួន មិនថាតាមមធ្យោបាយត្រជាក់ ឬក្ដៅនោះទេ។ មនុស្សម្នាក់នេះ គឺលោក ហេង សួរ រដ្ឋលេខាធិការក្រសួងការងារ។ ធាតុពិតរបស់លោកត្រូវបានលាតត្រដាងតាមរយៈសារសំឡេងមួយរៀបរាប់អំពីគម្រោងវាយធ្វើបាប និងបង្កគ្រោះថ្នាក់ចរាចរណ៍លើពលរដ្ឋខ្មែរដែលគាំទ្រគណបក្សប្រឆាំង។
តើលោក ហេង សួរ មានប្រវត្តិយ៉ាងដូចម្ដេច? អានព័ត៌មានពិស្តារ ...
២០ . សហភាពអឺរ៉ុបផ្តល់ប្រាក់ជំនួយថ្មី២លានអឺរ៉ូសំរាប់ផ្សព្វផ្សាយពីការចូលរួមនយោបាយនិងការទទួលបានព័ត៌មាន
សហភាពអឺរ៉ុប(EU)ផ្តល់ប្រាក់ជំនួយជាទឹកប្រាក់២លានអឺរ៉ូ ឬប្រមាណជិត ២លាន ១សែនដុល្លារអាមេរិកសំរាប់ផ្សព្វផ្សាយពីការចូលរួមនយោបាយនិងការទទួលបានព័ត៌មាននៅប្រទេសកម្ពុជាខណៈដែលកម្ពុជាគ្រោងរៀបចំការបោះឆ្នោតសកលនៅខែកក្កដា ឆ្នាំ២០២៣ ខាងមុខ។
ឯកអគ្គរដ្ឋទូតសហភាពអឺរ៉ុបអ្នកស្រី ខារមិន ម៉ូរ៉េណូ (Carmen Moreno) នៅថ្ងៃទី៧ ខែធ្នូ បានចុះកិច្ចសន្យាថ្មី២ដែលមានទឹកប្រាក់១លានអឺរ៉ូជាមួយអង្គការគាំទ្រប្រព័ន្ធផ្សព្វផ្សាយឯករាជ្យ(IMS) និងទឹកប្រាក់១លានអឺរ៉ូផ្សេងទៀតជាមួយអង្គការជំនួយប្រជាជនន័រវេស(NPA) ដើម្បីគាំទ្រដល់ការលើកកម្ពស់សិទ្ធិសេរីភាពបញ្ចេញមតិនិងការចូលរួមផ្នែកនយោបាយ។ ឯកអគ្គរដ្ឋទូតសហភាពអឺរ៉ុបរូបនេះបន្តថាការទទួលបានព័ត៌មានសេរីភាពនៃការបញ្ចេញមតិនិងការចូលរួមក្នុងផ្នែកនយោបាយគឹមានសារៈសំខាន់ណាស់សម្រាប់សង្គមប្រជាធិបតេយ្យ។ អ្នកស្រីសង្ឃឹមថា គម្រោងទាំងនេះនឹងរួមចំណែកបង្កើនការយល់ដឹងបន្ថែមទៀតក្នុងចំណោមអ្នកបោះឆ្នោតអំពីសិទ្ធិនិងសេរីភាពរបស់ពួកគេក្នុងដំណើរការបោះឆ្នោតដោយសេរីនិងយុត្តិធម៌។
២១ . បេក្ខជនជាច្រើននាក់មានបញ្ហាសុខភាព នៅថ្ងៃទី១នៃការប្រឡងបាក់ឌុបឆ្នាំ២០២២
បេក្ខជនប្រឡងសញ្ញាប័ត្រមធ្យមសិក្សាទុតិយភូមិឬបាក់ឌុបជាច្រើននាក់មានបញ្ហាសុខភាព ហើយត្រូវបានបញ្ជូនទៅព្យាបាលនៅមន្ទីរពេទ្យ នៅថ្ងៃទី៥ ខែធ្នូ ដែលជាថ្ងៃដំបូងនៃការប្រឡងបាក់ឌុបឆ្នាំនេះ។ មន្ត្រីអង្គការសង្គមស៊ីវិលយល់ថា ការប្រឡងបាក់ឌុបនៅតែមានសារៈសំខាន់ ខណៈរដ្ឋាភិបាលមិនទាន់អាចកម្ចាត់អំពើពុករលួយជាប្រព័ន្ធបាន។ អានព័ត៌មានពិស្តារ ...
២២ . អ្នកជំនាញចង់ឃើញរដ្ឋាភិបាលកៀរគរវិនិយោគិនល្អៗមកកម្ពុជា ប្រសើរជាងទទួលជនជាតិចិនមួយចំនួនជាប់ទោសឧក្រិដ្ឋ
ក្រុមអ្នកតាមដានស្ថានការណ៍កម្ពុជាចង់ឃើញរដ្ឋាភិបាលលោក ហ៊ុន សែន កៀរគរអ្នកវិនិយោគិនល្អៗមកបណ្ដាក់ទុននៅកម្ពុជា ប្រសើរជាងទទួលស្វាគមន៍តែចំពោះជនជាតិចិន ហើយពួកគេមួយចំនួនថែមទាំងជាប់ទោសពីបទឧក្រិដ្ឋ និងមានឈ្មោះជាឧក្រិដ្ឋជនថែមទៀតផង។ អ្នកនាំពាក្យគណបក្សកាន់អំណាចអះអាងថា កម្ពុជាមិនមែនទទួលតែវិនិយោគិនជាជនជាតិចិននោះទេ គឺរដ្ឋាភិបាលតែងបើកទូលាយឱ្យអ្នកវិនិយោគិននៃបណ្ដាប្រទេសនានាដែលចង់ចូលមកបណ្ដាទុនវិនិយោគនៅកម្ពុជា។ អានព័ត៌មានពិស្តារ ...
២៣ . កូនសកម្មជនបក្សភ្លើងទៀនខេត្តពោធិ៍សាត់ដែលជាប់ឃុំជិត១ឆ្នាំទាមទារឱ្យដោះលែងឪពុក
កូនៗសកម្មជនគណបក្សភ្លើងទៀនដែលជាប់ឃុំជិត១ឆ្នាំនៅពន្ធនាគារខេត្តពោធិ៍សាត់ ទាមទារឱ្យតុលាការដោះលែងឪពុកដែលត្រូវបានចោទប្រកាន់ក្រោមហេតុផលនយោបាយឱ្យមានសេរីភាពជួបជុំគ្រួសារឡើងវិញ។ មន្រ្តីសិទ្ធិមនុស្សយល់ថា ការឃុំខ្លួនមនុស្សដែលគ្មានកំហុស គឺជារឿងអយុត្តិធម៌សម្រាប់ក្រុមគ្រួសារពួកគេ និងសង្គមទាំងមូល ហើយអំពាវនាវដល់រដ្ឋាភិបាលឱ្យបើកលំហប្រជាធិបតេយ្យ និងគោរពសិទ្ធិមនុស្សឡើងវិញ។ អានព័ត៌មានពិស្តារ ...
២៤ . ប្រជាសហគមន៍នៅខេត្តកំពង់ស្ពឺប្រារព្ធទិវាសិទ្ធិមនុស្សអន្តរជាតិឆ្នាំ២០២២
សមាគមសម្ព័ន្ធសហគមន៍កសិករកម្ពុជា គ្រោងរៀបចំខួប៧៤ឆ្នាំ នៃទិវាសិទ្ធិមនុស្សអន្តរជាតិឆ្នាំ២០២២ នៅទីតាំងចំនួន៨ខេត្តនៅទូទាំងប្រទេស។ ពិធីនេះធ្វើឡើងដើម្បីឱ្យមានវេទិកាពិភាក្សារវាងអាជ្ញាធរមូលដ្ឋាន កម្មករ រួមគ្នាដោះស្រាយបញ្ហា ក្ដីកង្វល់ និងតម្រូវការរបស់កសិករ កម្មករនៅតាមសហគមន៍ ។ មន្ត្រីសង្គមស៊ីវិលមើលឃើញថា រដ្ឋាភិបាលគួរដោះស្រាយបញ្ហាលើកឡើង របស់ពលរដ្ឋនៅតាមតំបន់ដែលជួបប្រទះការរំលោភសិទ្ធិមនុស្សដោយមានការគោរពសិទ្ធិសេរីភាពរបស់ពលរដ្ឋ និងកិច្ចគាំពារសង្គម។ អានព័ត៌មានពិស្តារ ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។