១ . លោក ហ៊ុន សែន អះអាងថា កិច្ចប្រជុំកំពូលអាស៊ានទទួលបានលទ្ធផលជាទីគាប់ចិត្ត ទោះបញ្ហាជាច្រើននៅមិនទាន់ដោះស្រាយរួច
លោកនាយករដ្ឋមន្ត្រី ហ៊ុន សែន បានបញ្ចប់ភារកិច្ចរបស់ខ្លួនជាប្រធានអាស៊ានប្ដូរវេនហើយ ក្នុងកិច្ចពិធីបិទកិច្ចប្រជុំកំពូលអាស៊ានលើកទី៤០ លើកទី៤១ និងកិច្ចប្រជុំពូលពាក់ព័ន្ធផ្សេងទៀត ថ្ងៃទី១៣ ខែវិច្ឆិកា។ លោក ហ៊ុន សែន បានប្រគល់ញញួរទៅប្រធានអាស៊ានប្ដូរថ្មី ប្រធានាធិបតីឥណ្ឌូនេស៊ី លោក ចូកូ វីដូដូ (Joko Widodo) ដែលនឹងដឹកនាំអាស៊ាននៅពេលខាងមុខដ៏ខ្លីនេះ ទាំងបញ្ហាភូមាមិនទាន់បានដោះស្រាយរួចនៅឡើយ។ អានព័ត៌មានពិស្តារ ...
២ . អាជ្ញាធរសហរដ្ឋអាមេរិកចាប់ខ្លួនមន្រ្តីក្រសួងកសិកម្មម្នាក់ក្រោមបទចោទប្រកាន់ពាក់ព័ន្ធនឹងអំពើរត់ពន្ធសត្វស្វាក្ដាម
កម្ពុជា ប្តេជ្ញារកយុត្តិធម៌ដល់មន្ត្រីកសិកម្មដែលសហរដ្ឋអាមេរិកចាប់ខ្លួនក្នុងពេលទៅចូលរួមកិច្ចប្រជុំនៅអង្គការសហប្រជាជាតិ ពាក់ព័ន្ធនឹងរឿងរត់ពន្ធសត្វស្វាក្តាម។ អ្នកវិភាគ និងមន្ត្រីអង្គការសង្គមស៊ីវិល យល់ថា ករណីនេះ គឺជារឿងរ៉ាវអាម៉ាស់ថ្មីមួយទៀតរបស់ក្រសួងកសិកម្ម ស្របពេលដែលរដ្ឋមន្ត្រីថ្មីទើបនឹងឡើងកាន់តំណែង។ ពួកគេចង់ឃើញរដ្ឋាភិបាលប្រើឱកាសនេះ ស៊ើបអង្កេតករណីនេះឱ្យបានពិតប្រាកដដើម្បីកុំឱ្យពលរដ្ឋបាត់បង់ទំនុកចិត្តកាន់តែខ្លាំងលើរដ្ឋាភិបាល។ អានព័ត៌មានពិស្តារ ...
៣ . លោក ហ៊ុន សែន តេស្តវិជ្ជមានកូវីដ១៩ ពេលធ្វើដំណើរដល់ប្រទេសឥណ្ឌូណេស៊ី
លោកនាយករដ្ឋមន្ត្រី ហ៊ុន សែន ប្រកាសថា លោកធ្វើតេស្តមានជំងឺ កូវីដ១៩ (Covid19) នៅប្រទេសឥណ្ឌូណេស៊ី មុនកិច្ចប្រជុំ G20។ លោក ហ៊ុន សែន បញ្ជាក់ថា លោកបានធ្វើតេស្ដរហ័ស (Rapid Test) មុនចេញពីប្រទេសកម្ពុជា ដោយពុំមានវិជ្ជមានឡើយ ប៉ុន្តែរកឃើញជំងឺ កូវីដ១៩ នៅព្រឹកថ្ងៃទី១៥ វិច្ឆិកានេះ។ អានព័ត៌មានពិស្តារ ...
៤ . លោក ហ៊ុន សែន ថាលោកមិនអាចចាត់តំណាងប្រជុំ G20 ព្រោះគេអញ្ជើញក្នុងនាមប្រធានអាស៊ាន
លោកនាយករដ្ឋមន្ត្រី ហ៊ុន សែន បកស្រាយក្នុងខ្សែអាត់សំឡេងកាលពីយប់ថ្ងៃទី ១៦ វិច្ឆិកាថា លោកមិនអាចចាត់តំណាង ដើម្បីចូលរួមកិច្ចប្រជុំកំពូលនៃក្រុមប្រទេសសេដ្ឋកិច្ចធំៗទាំង ២០ ហៅកាត់ថា G20 នៅប្រទេសឥណ្ឌូណេស៊ី (Indonesia) បាននោះឡើយ ព្រោះកម្ពុជាមិនមែនជាសមាជិកក្រុមប្រទេស G20។ លោកបញ្ជាក់ថា គម្រោងចូលរួមរបស់លោកនោះ គឺក្នុងឋានៈជាប្រធានអាស៊ាន តបតាមការអញ្ជើញរបស់ប្រទេសឥណ្ឌូណេស៊ី ដែលជាម្ចាស់ផ្ទះ។ អានព័ត៌មានពិស្តារ ...
៥ . តើកម្ពុជាដែលដឹកនាំកិច្ចប្រជុំកំពូលអាស៊ាន បានជោគជ័យ និងបរាជ័យយ៉ាងណាខ្លះ ?
វេទិកាអ្នកស្ដាប់វិទ្យុអាស៊ីសេរី នៅយប់ថ្ងៃទី១៥ ខែវិច្ឆិកា ស្ដីពីថា តើកម្ពុជាដែលដឹកនាំកិច្ចប្រជុំកំពូលអាស៊ាន បានជោគជ័យ និងបរាជ័យយ៉ាងណាខ្លះ?
វាគ្មិនកិត្តិយស៖ លោក សេង សារី អ្នកវិភាគនយោបាយ និងលោក សម រង្ស៊ី ប្រធានស្ដីទីគណបក្សសង្គ្រោះជាតិ។ សម្របសម្រួលដោយ លោក ជុន ច័ន្ទបុត្រ ទស្សនាលម្អិតដូចតទៅ៖
៦ . កិច្ចប្រជុំកំពូលអាស៊ីបូព៌ា (EAS) បិទបញ្ចប់ទៅដោយគ្មានសេចក្តីថ្លែងការណ៍រួម ខណៈអាមេរិក និងរុស្ស៊ី ខ្វែងគំនិតគ្នារឿងអ៊ុយក្រែន
កិច្ចប្រជុំកំពូលអាស៊ីបូព៌ា (EAS) លើកទី១៧ បានបិទបញ្ចប់ទៅកាលពីថ្ងៃអាទិត្យ ទី១៣ ខែវិច្ឆិកា ដោយពុំមានការចេញសេចក្តីថ្លែងការណ៍រួម ខណៈសហរដ្ឋអាមេរិក (U.S.) និងរុស្ស៊ី (Russia) ខ្វែងគំនិតគ្នាជុំវិញរឿងសង្គ្រាមនៅអ៊ុយក្រែន (Ukraine)។ អានព័ត៌មានពិស្តារ ...
៧ . អ្នកសារព័ត៌មានឯករាជ្យស្នើឱ្យបញ្ឈប់ការរើសអើងក្នុងការអនុញ្ញាតឱ្យចូលយកព័ត៌មាន
សង្គមស៊ីវិល និងអ្នកសារព័ត៌មានខកចិត្តចំពោះការរើសអើងមិន អនុញ្ញាតឱ្យអ្នកសារព័ត៌មានឯករាជ្យចូលយកព័ត៌មាន។ ពួកគេទាមទាររដ្ឋាភិបាលបកស្រាយមូលហេតុ និងកែលម្អស្ថានភាពរើសអើងឡើងវិញ។ អានព័ត៌មានពិស្តារ ...
៨ . នាយករដ្ឋមន្ត្រីជប៉ុន ចង់ឃើញការបោះឆ្នោតនៅកម្ពុជាឆ្នាំ២០២៣ ដំណើរការទៅដោយសេរី ត្រឹមត្រូវ និងយុត្តិធម៌
នាយករដ្ឋមន្ត្រីជប៉ុនលោក ហ្វូមីអូ គីស៊ីដា (KISHIDA Fumio) ចង់ឃើញការបោះឆ្នោតនៅកម្ពុជានៅក្នុងឆ្នាំ២០២៣ ខាងមុខ ដំណើរការទៅដោយសេរី ត្រឹមត្រូវ និងយុត្តិធម៌ និងឆ្លុះបញ្ចាំងពីសំឡេងចម្រុះរបស់ពលរដ្ឋកម្ពុជា។ អានព័ត៌មានពិស្តារ ...
៩ . មន្ត្រីអង្គការសង្គមស៊ីវិលថា រដ្ឋាភិបាលគួរយកលុយជាងកន្លះលានដុល្លារជួយជនក្រីក្រ ជាជាងទិញនាឡិកាជូនមេដឹកនាំបរទេសចូលរួមកិច្ចប្រជុំអាស៊ាន
មន្ត្រីអង្គការសង្គមស៊ីវិល លើកឡើងថា រដ្ឋាភិបាល គួរតែយកលុយជាងកន្លះលានដុល្លារអាមេរិកនោះ ទៅជួយជនក្រីក្រវិញ ជាជាងយកទៅផលិតនាឡិកាដៃដ៏ប្រណិតជូនទៅដល់មេដឹកនាំអាស៊ាន និងមេដឹកនាំពិភពលោក ដែលចូលរួមកិច្ចប្រជុំអាស៊ានកាលពីពេលថ្មីៗនេះ។ ការលើកឡើងនេះ គឺបន្ទាប់ពីលោកនាយករដ្ឋមន្ត្រី ហ៊ុន សែន ប្រាប់ឱ្យដឹងថា នាឡិកាដៃដែលមានចំនួន២៥គ្រឿង ដែលលោកជូនជាកាដូអនុស្សាវរីយ៍ដល់ថ្នាក់ដឹកនាំដែលបានមកចូលរួម កិច្ចប្រជុំកំពូលអាស៊ាន មានតម្លៃជាង២ម៉ឺនដុល្លារអាមេរិក ក្នុងមួយគ្រឿង (២០,០០០ដុល្លារ)។ អានព័ត៌មានពិស្តារ ...
១០ . សង្គមស៊ីវិល និងអ្នកជំនាញចង់ឃើញរដ្ឋាភិបាលឆ្លើយតបសំណើអាមេរិកដោយវិជ្ជមានរឿងស្តារប្រជាធិបតេយ្យឡើងវិញ
អ្នកជំនាញ និងមន្រ្តីសិទ្ធិមនុស្សចង់ឃើញរដ្ឋាភិបាលលោក ហ៊ុន សែន ឆ្លើយតបសំណើរបស់សហរដ្ឋអាមេរិកដោយវិជ្ជមានទាក់ទងរឿងស្តារប្រជាធិបតេយ្យឡើងវិញ ដើម្បីប្រយោជន៍ជាតិ និងស្របតាមបំណងប្រាថ្នារបស់ពលរដ្ឋខ្មែរចង់បាន។ ការលើកឡើងនេះ គឺបន្ទាប់ពីប្រធានាធិបតីអាមេរិកលោក ចូ បៃឌិន (Joseph R. Biden) កាលពីថ្ងៃទី១២ ខែវិច្ឆិកា បានស្នើឱ្យលោកនាយករដ្ឋមន្រ្តី ហ៊ុន សែន បើកលំហលទ្ធិប្រជាធិបតេយ្យ និងដោះលែងអ្នកទោសនយោបាយឱ្យមានសេរីភាពឡើងវិញ នៅមុនការបោះឆ្នោតជាតិឆ្នាំ២០២៣ខាងមុខ។ អានព័ត៌មានពិស្តារ ...
១១ . អ្នកវិភាគថា កម្ពុជាគួរបង្កើតទំនាក់ទំនងនយោបាយជាមួយប្រទេសសមាជិកអាស៊ានឱ្យមានតម្លាភាព ដើម្បីទទួលបានផលប្រយោជន៍សេដ្ឋកិច្ច
ក្រុមអ្នកវិភាគលើកឡើងថា កម្ពុជាគួររឹតចំណងទំនាក់ទំនងនយោបាយ ការទូតជាមួយបណ្ដាប្រទេសដទៃទៀតដែលជាសមាជិកអាស៊ានឱ្យកាន់តែជិតស្និទ្ធ ដោយមិនត្រូវផ្ដោតតែទៅលើសម្ព័ន្ធភាពជាមួយប្រទេសជិតស្និទ្ធនឹងខ្លួនឡើយ។ ពួកគាត់ថា ការធ្វើបែបនេះជាការបង្ហាញពីតម្លាភាពនៃទំនាក់ទំនងក្នុងរង្វង់អាស៊ាន និងដើម្បីទាក់ទាញផលប្រយោជន៍សេដ្ឋកិច្ចមកឱ្យកម្ពុជាកាន់តែច្រើន។ អានព័ត៌មានពិស្តារ ...
១២ . កម្ពុជា និងអាមេរិកប្ដេជ្ញាប្រយុទ្ធប្រឆាំងនឹងឧក្រិដ្ឋកម្មជួញដូរមនុស្ស
កម្ពុជា និងសហរដ្ឋអាមេរិក បន្តប្ដេជ្ញាចិត្តពង្រឹងកិច្ចសហប្រតិបត្តិការអនុវត្តច្បាប់ប្រយុទ្ធប្រឆាំងនឹងអំពើជួញដូរមនុស្ស និងឧក្រិដ្ឋកម្មឆ្លងដែន។ មន្ត្រីសង្គមស៊ីវិល យល់ថា នេះជាសញ្ញាល្អបន្ថែមទៀតដែលកម្ពុជានឹងទទួលបានយុទ្ធសាស្ត្របង្ក្រាបក្រុមឧក្រិដ្ឋជន និងអនុវត្តច្បាប់ឱ្យមានប្រសិទ្ធិភាព។ អានព័ត៌មានពិស្តារ ...
១៣ . អ្នកការពារសិទ្ធិមនុស្សជំរុញឱ្យប្រជាជនអាស៊ានតស៊ូ ដើម្បីសិទ្ធិសេរីភាពរបស់ខ្លួន
សមាគមប្រជាជាតិអាស៊ីអាគ្នេយ៍ ហៅកាត់ថា អាស៊ាន (ASEAN) បានបង្កើតក្របខ័ណ្ឌសិទ្ធិមនុស្សផ្ទាល់ខ្លួន ហើយបានសន្យាគោរព ការពារ និងលើកកម្ពស់សិទ្ធិមនុស្សស្របទៅតាមលិខិតុបករណ៍អន្តរជាតិទាំងឡាយ។ ក៏ប៉ុន្តែអ្នកការពារសិទ្ធិមនុស្សអន្តរជាតិពិនិត្យឃើញថា អាស៊ានបានបរាជ័យនៅក្នុងការអនុវត្តក្របខ័ណ្ឌសិទ្ធិមនុស្សនេះ។ អានព័ត៌មានពិស្តារ ...
១៤ . ក្រុមយុវជនខ្មែរថាវរៈ នៅតែបន្តទាមទារឱ្យរដ្ឋាភិបាលដោះលែងកញ្ញា សេង ធារី
ក្រុមយុវជនខ្មែរថាវរៈនៅតែបន្តទាមទារឱ្យរដ្ឋាភិបាលកម្ពុជាដោះលែងកញ្ញា សេង ធារី ចេញពីពន្ធនាគារខេត្តព្រះវិហារទោះបីយុទ្ធនាការបង្អត់អាហាររយៈពេល៧ថ្ងៃបានបញ្ចប់ទៅហើយក្ដី។ ពួកគាត់ថាការព្រងើយកន្តើយរបស់រដ្ឋាភិបាលចំពោះសំណើនេះជាការបង្ហាញពីភាពគ្មានការទទួលខុសត្រូវនិងមិនឆ្លើយតបទៅនឹងសំណើរបស់សហរដ្ឋអាមេរិក។ មន្ត្រីសង្គមស៊ីវិលទទូចឱ្យរដ្ឋាភិបាលគោរពទៅតាមសិទ្ធិសញ្ញាអន្តរជាតិស្ដីពីសិទ្ធិមនុស្សនិងការស្នើសុំរបស់ប្រទេសប្រជាធិបតេយ្យដើម្បីចៀសវាងធ្វើឱ្យខូចប្រយោជន៍រួមដល់កម្ពុជា។ អានព័ត៌មានពិស្តារ ...
១៥ . កូដករក្រុមហ៊ុនណាហ្គាវើលដ៍ម្នាក់ចូលបំភ្លឺតាមការកោះហៅរបស់សាលាដំបូងរាជធានីភ្នំពេញ
កូដករក្រុមហ៊ុនបនល្បែងកាស៊ីណូណាហ្គាវើលដ៍ (NAGAWORLD) ម្នាក់ បានចូលបំភ្លឺនៅសាលាដំបូងរាជធានីភ្នំពេញ នៅថ្ងៃទី១៥ វិច្ឆិកា តាមបណ្ដឹងរបស់ក្រុមហ៊ុន ដែលបានប្ដឹងកញ្ញាថា បានរំលោភលំនៅឋាន និងបង្ខាំងដោយខុសច្បាប់។ អានព័ត៌មានពិស្តារ ...
១៦ . ក្រុមយុវជន និងមន្ត្រីសង្គមស៊ីវិលទាមទាររដ្ឋាភិបាលឱ្យស៊ើបអង្កេតករណីរថយន្តស្លាកលេខ ខ . ម ដឹកគ្រឿងញៀនជាង ២០០គីឡូក្រាម
ក្រុមយុវជន និងមន្ត្រីសង្គមស៊ីវិល ទាមទារដល់រដ្ឋាភិបាលស៊ើបអង្កេតម្ចាស់រថយន្តដែលបំពាក់ស្លាកលេខខេមរភូមិន្ទដឹកគ្រឿងញៀនជាង ២០០គីឡូក្រាម។ អាជ្ញាធរជាន់ខ្ពស់ផ្នែកប្រឆាំងបទល្មើសគ្រឿងញៀនអះអាងថា រថយន្តដែលពាក់ស្លាកលេខ ខ.ម ដឹកគ្រឿងញៀនហើយបានជួបគ្រោះថ្នាក់ចរាចរណ៍នោះ គឺជនល្មើសបម្រុងដឹកគ្រឿងញៀនចាកចេញពីកម្ពុជាឆ្លងដែនទៅប្រទេសវៀតណាម។ អានព័ត៌មានពិស្តារ ...
១៧ . សមាគមខ្មែរក្រោមអំពាវនាវស្វែងរកថវិកាជួយជនភៀសខ្លួនខ្មែរក្រោម ដែលកំពុងជាប់ឃុំ
អង្គការសិទ្ធិមនុស្សខ្មែរកម្ពុជាក្រោម អំពាវនាវឲ្យសប្បុរសជនជួយផ្តល់ជាថវិកាដើម្បីអាចជួយឲ្យជនភៀសខ្លួនខ្មែរក្រោមចំនួន ១០នាក់ ដែលកំពុងជាប់ឃុំនៅថៃអាចចេញនៅក្រៅឃុំបណ្ដោះអាសន្ន។ បច្ចុប្បន្ន ជនភៀសខ្លួនខ្មែរក្រោមទាំងនោះ កំពុងប្រឈមមុខនឹង ត្រូវថៃចាប់បញ្ជូន ទៅវៀតណាម ឬកម្ពុជាវិញ ក្រោយជាប់ពន្ធនាគារ ពី បទឆ្លងដែននិងធ្វើការងារខុសច្បាប់នៅប្រទេសថៃ។ អានព័ត៌មានពិស្តារ ...
១៨ . នគរបាលខេត្តកោះកុងចាប់ជនជាតិចិន និងម៉ាឡេស៊ី ៦នាក់ រឿងចាប់ជំរិតទារប្រាក់ពីស្ត្រីម៉ាឡេស៊ីម្នាក់
សមត្ថកិច្ចខេត្តកោះកុងបង្ក្រាបបានជនសង្ស័យជនជាតិចិន និងម៉ាឡេស៊ីចំនួន ៦នាក់ ពាក់ព័ន្ធនឹងករណីចាប់ជំរិតទារប្រាក់ពីស្ត្រីជនជាតិម៉ាឡេស៊ីម្នាក់អស់ទឹកប្រាក់ជិត ២ម៉ឺនដុល្លារ (១៥.០០០)។
១៩ . អាជ្ញាធរថៃមិនទាន់បញ្ជូនមន្ត្រីយោធាកម្ពុជាបើកឡានចូលប្រទេសថៃខុសច្បាប់មកកម្ពុជាវិញទេ
អាជ្ញាធរថៃមិនទាន់បញ្ជូនមន្ត្រីយោធាកម្ពុជា ដែលបើកឡានចូលប្រទេសថៃខុសច្បាប់ កាលពីព្រលប់ថ្ងៃទី៥ ខែវិច្ឆិកា ត្រង់ចំណុចព្រំដែនអន្តរជាតិស្រុកសំពៅលូន ខេត្តបាត់ដំបង មកកម្ពុជាវិញនោះទេ។ តុលាការថៃនឹងកាត់ទោសនាយទាហានខ្មែរស័ក្ដិ៥នោះ តាមបទចោទ៤ករណី ដែលប៉ូលិសព្រំដែនថៃបានចោទប្រកាន់ ហើយត្រូវអនុវត្តទោសនៅប្រទេសថៃគ្រប់ពេលកំណត់ ទើបបញ្ជូនទៅខ្មែរវិញ។ អានព័ត៌មានពិស្តារ ...
២០ . កូដករណាហ្គាវើលដ៍២នាក់ចូលបំភ្លឺនៅសាលាដំបូងរាជធានីភ្នំពេញ
ក្រុមកូដករក្រុមហ៊ុនបនល្បែងកាស៊ីណូណាហ្គាវើលដ៍ (NagaWorld) ២នាក់បានចូលបំភ្លឺនៅសាលាដំបូងរាជធានីភ្នំពេញ នៅថ្ងៃទី១៤ ខែវិច្ឆិកា តាមបណ្ដឹងរបស់ក្រុមហ៊ុន ដែលបានប្ដឹងពួកគាត់ថា បានរំលោភលំនៅឋាន និងបង្ខាំងដោយខុសច្បាប់។ កូដករណាហ្គាវើលដ៍ និងមន្ត្រីសង្គមស៊ីវិលទាមទារឲ្យតុលាការទម្លាក់ចោលការចោទប្រកាន់លើពួកគាត់ហើយរដ្ឋាភិបាលនិងស្ថាប័នពាក់ព័ន្ធគួរពន្លឿនបញ្ចប់វិវាទដោយយកច្បាប់ការងារជាគោលដើម្បីលើកកម្ពស់សិទ្ធិការងារនៅកម្ពុជា។ អានព័ត៌មានពិស្តារ ...
២១ . ប្រជាសហគមន៍ខេត្តកំពង់ស្ពឺ បារម្ភពីសុវត្ថិភាពសត្វព្រៃកម្រ បន្ទាប់ពីមានការលួចពង្រាយអន្ទាក់ជាច្រើននៅតំបន់ឧទ្យានជាតិជួរភ្នំក្រវាញកណ្តាល
ប្រជាសហគមន៍ការពារព្រៃឈើខេត្តកំពង់ស្ពឺព្រួយបារម្ភ ពីសកម្មភាពដាក់អន្ទាក់ចាប់សត្វព្រៃ កំពុងបង្កគ្រោះថ្នាក់ខ្លាំង ដល់សុវត្ថិភាពសត្វព្រៃជាច្រើនប្រភេទ ដែលកំពុងរស់នៅ ក្នុងតំបន់ឧទ្យានជាតិជួរភ្នំក្រវាញ់កណ្តាល។ ពួកគាត់អះអាងថា សត្វព្រៃងាប់ និងបាត់ខ្លួនជារៀងរាល់ថ្ងៃដោយសារមានជនល្មើសអន្ទាក់និងការលួចបរបាញ់ខុសច្បាប់ក្នុងតំបន់អភិរក្សមួយនេះ។ អានព័ត៌មានពិស្តារ ...
២២ . ពលរដ្ឋអ្នកដាំដំឡូងមី បារម្ភតម្លៃដំឡូងមីធ្លាក់ថ្លៃ ប៉ះពាល់ដល់ជីវភាព
ប្រជាពលរដ្ឋប្រកបរបរដាំដំឡូងមី បារម្ភតម្លៃដំឡូងចុះធ្លាក់ថ្លៃ ប៉ះពាល់ដល់ជីវភាព ស្របពេលកសិករកំពុងមមាញឹកប្រមូលផលបណ្ដើរៗ។ មន្ត្រីសង្គមស៊ីវិលយល់ថា រដ្ឋាភិបាល និងស្ថាប័នពាក់ព័ន្ធគួរស្វះស្វែងរកវិនិយោគទុនបរទេស មកកែច្នៃដំឡូងមី និងដំណាំផ្សេងៗ ដើម្បីអោយកសិករមានទីផ្សារលក់កសិផលសមរម្យ។ អានព័ត៌មានពិស្តារ ...
២៣ . ក្រុមអ្នកឃ្លាំមើលរិះគន់រដ្ឋាភិបាល លោក ហ៊ុន សែន ថា ដឹកនាំប្រទេសកាន់តែផ្ដាច់ការ បន្ទាប់ពីរម្លាយគណបក្សសង្គ្រោះជាតិ ៥ឆ្នាំមកនេះ
មន្ត្រីគណបក្សប្រឆាំង លើកឡើងថា រយៈពេល ៥ឆ្នាំដែលកម្ពុជាស្ថិតក្រោមការដឹកនាំរបស់ លោក ហ៊ុន សែន បានដឹកនាំប្រទេសបែបជិះសេះលែងដៃដែលបានបង្កទុកលំបាកដល់ប្រជាពលរដ្ឋជាបន្តបន្ទាប់។ អានព័ត៌មានពិស្តារ ...
ទស្សនាបទសម្ភាសន៍លោក ជុន ច័ន្ទបុត្រ ជាមួយអនុប្រធានគណបក្សសង្គ្រោះជាតិលោក អេង ឆៃអ៊ាង ...
២ ៤ . គិតមកដល់ថ្ងៃទី១៦ វិច្ឆិកា ឆ្នាំ២០២២ ការរំលាយគណបក្សសង្រ្គោះជាតិ មានរយៈពេល ៥ឆ្នាំគត់។
អ្នកច្បាប់ថា សេចក្ដីសម្រេចរបស់តុលាការកំពូលឆ្នាំ២០១៧ ដែលរំលាយគណបក្សសង្គ្រោះជាតិ ដកហូតតំណែងតំណាងរាស្ត្រ ៥៥អាសនៈ និងរំលាយមុខតំណែងក្រុមប្រឹក្សាឃុំសង្កាត់ជាងប្រាំពាន់ (៥០០៦) និងហាមឃាត់មន្ត្រីជាន់ខ្ពស់នៃគណបក្សប្រឆាំងនេះ មិនឱ្យធ្វើនយោបាយ ៥ឆ្នាំនោះ បានរំលោភច្បាប់ជាច្រើន។
តើសាលដីការបស់តុលាការកំពូលនេះ បំពានច្បាប់បែបណាខ្លះ?
លោក ជី វិតា មានសេចក្ដីរាយការណ៍ជុំវិញរឿងនេះដូចតទៅ៖
២៥ . អ្នកជំនាញថា ការឆ្លើយតបរបស់ចិន និងកម្ពុជារឿងធ្វើទំនើបកម្មកំពង់ផែរាម នៅតែមិនអាចធ្វើឱ្យអាមេរិកទុកចិត្តបានឡើយ
អ្នកជំនាញភូមិសាស្ត្រនយោបាយ និងអ្នកវិភាគ លើកឡើងថា ការឆ្លើយតបរបស់ចិន និងកម្ពុជាក្នុងរឿងធ្វើទំនើបកម្មកំពង់ផែរាម នឹងនៅតែមិនអាចធ្វើឱ្យភាគីសហរដ្ឋអាមេរិកទុកចិត្តបានឡើយ។
ផ្ទុយទៅវិញ ពួកគេថា បញ្ហាសង្ស័យពីរឿងវត្តមានកងទ័ពចិននៅកំពង់ផែរាម និងការណ៍ដែលចិនអាចបម្លែងកំពង់ផែរាមទៅជាមូលដ្ឋានទ័ពរបស់ខ្លួន នឹងរឹតតែតានតឹងឡើងរវាងភាគីអាមេរិក និងចិន ដែលកម្ពុជាមិនអាចមើលរម្លងបានឡើយ។ អានព័ត៌មានពិស្តារ ...
២៦ . លោក មេធាវី ជួង ជូងី ថា ការចូលរួមឆាកនយោបាយ អាចជួយសង្គមបានច្រើន ជាងអាជីពជាមេធាវី
លោក មេធាវី ជួង ជូងី ដែលតែងចេញមុខការពារក្ដីក្រុមមេដឹកនាំគណបក្សប្រឆាំង ហើយគេដាក់រហ័សនាមថា ជាមេធាវី មិនដែលឈ្នះក្ដីនោះ ឥលូវនេះ លោកបានប្រកាសចូលធ្វើនយោបាយជាមួយគណបក្សភ្លើងទៀនហើយ ចាប់ពីថ្ងៃទី១៧ ខែវិច្ឆិកានេះតទៅ។ លោកនឹងលៈបង់អាជីពជាមេធាវី ហើយវិលចូលឆាកនយោបាយវិញម្ដង សម្រាប់ការបោះឆ្នោតជាតិ ឆ្នាំ២០២៣ខាងមុខ។ តើមូលហេតុអ្វីបាន ជាលោក មេធាវី ជួង ជូងី អះអាងថា ការចូលរួមឆាកនយោបាយ អាចជួយសង្គមបានច្រើន ជាងអាជីពជាមេធាវី? ទស្សនាបទសម្ភាសន៍របស់លោក ជុន ច័ន្ទបុត្រ ជាមួយលោក ជួង ជូងី ...
២៧ . តុលាការក្រុងភ្នំពេញបានកោះហៅបុគ្គលិកណាហ្គាវើលដ៍ម្នាក់ទៀតបំភ្លឺ
សាលាដំបូងរាជធានីភ្នំពេញ បានកោះហៅបុគ្គលិកណាហ្គាវើលដ៍ (NagaWorld) ម្នាក់ទៀត ឱ្យបង្ហាញខ្លួនបំភ្លឺ ក្នុងសវនាការនៅថ្ងៃទី១៦ វិច្ឆិកា ផ្អែកតាមបណ្ដឹងរបស់ក្រុមហ៊ុន ដែលបានប្ដឹងពួកគាត់ ពីបទ រំលោភលំនៅឋាន ធ្វើឱ្យខូចដោយចេតនា មានស្ថានទម្ងន់ទោស និងបង្ខាំងដោយខុសច្បាប់។ អានព័ត៌មានពិស្តារ ...
២៨ . អាជ្ញាធរខេត្តមណ្ឌលគិរីរងការចោទថា អសមត្ថភាពការពារព្រៃឈើនៅតំបន់ភ្នំអារក្សដែលសំបូរសត្វព្រៃ
នៅខេត្តមណ្ឌលគិរីឯណោះវិញ ភ្នំធម្មជាតិមួយកន្លែង ដែលជាជម្រកយ៉ាងសំខាន់របស់សត្វព្រៃ និងជាកន្លែងប្រតិបត្តិជំនឿសាសនា របស់ជនជាតិដើមភាគតិចព្នង ជាច្រើនគ្រួសារ បន្តទទួលរងការឈូសឆាយព្រៃឈើទ្រង់ទ្រាយធំ ដើម្បីទន្ទ្រានយកដីធ្វើជាកម្មសិទ្ធិខុសច្បាប់។ ប្រជាសហគមន៍ជនជាតិដើមភាគតិចថា ភ្នំធម្មជាតិបន្តរងការកាប់បំផ្លាញដោយសារតែការបណ្តែត បណ្តោយ របស់អាជ្ញាធរខេត្តមណ្ឌលគិរី។ អានព័ត៌មានពិស្តារ ...
២៩ . អាជ្ញាធរថៃដោះលែងជនភៀសខ្លួនខ្មែរក្រោមបួននាក់ ខណៈប្រាំមួយនាក់ទៀតមិនទាន់ដោះលែង
អាជ្ញាធរថៃដោះលែងជនភៀសខ្លួនខ្មែរក្រោមបួននាក់ កាលពីល្ងាចថ្ងៃទី១៥ ខែវិច្ឆិកា ក្រោយពីឃុំខ្លួនជាង ១ខែ។ ពួកគាត់ត្រូវបានអង្គការសិទ្ធិមនុស្សនៅប្រទេសថៃ ជួយធានាឲ្យបាននៅក្រៅឃុំ ដោយបង់ប្រាក់ម្នាក់ប្រាំម៉ឺន (៥០.០០០) បាត ស្មើនឹងជាង ១ពាន់ (១.៣៥០) ដុល្លារ ចំណែកខ្មែរក្រោមប្រាំមួយនាក់ទៀត តុលាការនៅមិនទាន់ដោះលែងឲ្យមានសេរីភាពនៅឡើយ។ អានព័ត៌មានពិស្តារ ...
៣០ . ស្រូវចុះថោក ធ្វើឱ្យកសិករនៅខេត្តបាត់ដំបង និងបន្ទាយមានជ័យបារម្ភអំពីជីវភាព
កសិករធ្វើស្រែនៅខេត្តបាត់ដំបង និងខេត្តបន្ទាយមានជ័យត្អូញត្អែរពីតម្លៃស្រូវ ចុះថោកមិនសូវមាន ឈ្មួញទទួលទិញ ហើយលក់មិនបានប្រាក់ចំណេញដោះស្រាយជីវភាពគ្រួសារ និងប្រាក់ជំពាក់ធនាគារ។ អានព័ត៌មានពិស្តារ ...
៣១. អាដហុកថា ការសម្រេចក្ដីរបស់តុលាការដាក់ទោសលើមន្ត្រីសិទ្ធិមនុស្សជាការអាម៉ាស់សម្រាប់ប្រព័ន្ធយុត្តិធម៌
សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា ឬ អាដហុក (Adhoc) សោកស្ដាយ និងខកចិត្តចំពោះការសម្រេចរបស់តុលាការកំពូល នៅព្រឹកថ្ងៃ១៨ ខែវិច្ឆិកា ដែលបានសម្រេចតម្កល់ការសម្រេចតុលាការជាន់ទាប ទុកជាបានការក្នុងសំណុំរឿងសូកប៉ាន់សាក្សី និងសមគំនិតក្នុងអំពើសូកប៉ាន់សាក្សី។ ទោះយ៉ាងណា មន្ត្រីបក្សកាន់អំណាចថា ការសម្រេចរបស់តុលាការកំពូល ជារឿងត្រឹមត្រូវ ដែលឈរលើមូលដ្ឋានច្បាប់។ អានព័ត៌មានពិស្ដារ ...
៣២. លោក ជូង ជូងី បន្តបូជាប្រយោជន៍ផ្ទាល់ខ្លួនដើម្បីយុត្តិធម៌សង្គម និងជួយអ្នកជួបភាពអយុត្តិធម៌
លោក ជូង ជូងី មេធាវី មិនដែលឈ្នះក្ដីពេលការពារក្ដីឱ្យអ្នកនយោបាយ និងសកម្មជនសង្គម នៅតែប្រកាន់ជំហរការពារយុត្តិធម៌សង្គម និងជួយអ្នករងភាពអយុត្តិធម៌បន្តទៀត បើទោះបីជាលោក សម្រេចចូលរួមនយោបាយជាមួយគណបក្សភ្លើងទៀនយ៉ាងណាក្ដី។ លោករំពឹងថា ការធ្វើនយោបាយរបស់លោកនឹងជាឱកាសឱ្យលោកបានចូលរួមកែលម្អវិស័យយុត្តិធម៌បានទូលាយជាងអាជីពជាមេធាវី។ អានព័ត៌មានពិស្ដារ ...
៣៣. តើវិវាទការងារនៅណាហ្គាវើលដ៍ឆ្លុះបញ្ចាំងបែបណាពីប្រសិទ្ធភាពការងាររដ្ឋាភិបាល ?
វិវាទការងាររវាងថៅកែ និងបុគ្គលិកណាហ្គាវើលដ៍ (Naga World) បានអូសបន្លាយពេលជិតមួយឆ្នាំហើយ ដោយនៅតែគ្មានដំណោះស្រាយពីភាគីក្រុមហ៊ុន និងរដ្ឋាភិបាលឡើយ។ លើសពីនេះ ក្រុមបុគ្គលិកណាហ្គាវើលដ៍ កំពុងរងគ្រោះគ្រប់បែបយ៉ាងពីក្រុមហ៊ុន និងអាជ្ញាធររដ្ឋាភិបាលដូចជាទទួលរងនូវអំពើហិង្សាលើរាងកាយ ការគំរាមកំហែង និងការជាប់បណ្តឹងក្នុងតុលាការជាដើមដោយសារតែការតវ៉ារកដំណោះស្រាយដោយសន្តិវិធីរបស់ពួកគាត់។ អានព័ត៌មានពិស្ដារ ...
៣៤. ពលរដ្ឋរាប់រយគ្រួសាររស់នៅតាមដងទន្លេខេត្តកណ្តាល និងកំពង់ចាមលក់ផ្ទះព្រោះខ្លាចបាក់ច្រាំងដោយសារអាជីវកម្មបូមខ្សាច់
ពលរដ្ឋជាច្រើនគ្រួសាររស់នៅតាមបណ្តោយទន្លេមេគង្គ ក្នុងខេត្តកណ្តាល និងខេត្តកំពង់ចាម បង្ខំចិត្តលក់ផ្ទះ និងដីលំនៅឋាន ព្រោះបារម្ភពីអាជីវកម្មបូមខ្សាច់ បណ្តាលឱ្យបាក់ច្រាំងទន្លេមេគង្គទ្រង់ទ្រាយធំ។ អ្នកភូមិអះអាងថា ច្រាំងទន្លេមេគង្គប្រវែង ៣ គីឡូម៉ែត្រ ក្នុងស្រុកខ្សាច់កណ្តាល និងស្រុកស្រីសន្ធរ បន្តបាក់ស្រុតជារៀងរាល់ឆ្នាំ បណ្តាលឱ្យផ្ទះសម្បែងពលរដ្ឋជាច្រើនខ្នងស្រុតចុះទន្លេ។ អានព័ត៌មានពិស្ដារ ...
៣៥. គណៈកម្មាធិការជាតិប្រឆាំងទារុណកម្មអះអាងថា ការស្លាប់របស់លោក ពេជ្រ ធារ៉េត ពាក់ព័ន្ធប៉ូលិសស្រុកសង្កែ
គណៈកម្មាធិការជាតិប្រឆាំងទារុណកម្មអះអាងថាការស្លាប់របស់លោក ពេជ្រ ធារ៉េត កាលពីដើមឆ្នាំ២០២១ គឺពាក់ព័ន្ធប៉ូលិសស្រុកសង្កែ ខេត្តបាត់ដំបង។ សាច់ញាតិជនរងគ្រោះ និងមន្ត្រីសិទ្ធិមនុស្សស្នើដល់គណៈកម្មាធិការជាតិប្រឆាំងទារុណកម្មបង្ហាញលទ្ធផលស៊ើបអង្កេតចំពោះការស្លាប់របស់ជនរងគ្រោះដោយយុត្តិធម៌ និងសុក្រឹត ដើម្បីយកជនប្រព្រឹត្តទៅអនុវត្តតាមច្បាប់ ។ អានព័ត៌មានពិស្ដារ ...
៣៦. ពលករខ្មែរបេះផ្លែមៀនតាមចម្ការនៅប្រទេសថៃត្អូញត្អែរថារកចំណូលមិនសូវបាន
ពលករខ្មែរ ដែលស៊ីឈ្នួលបេះផ្លែមៀនតាមចម្ការនៅជាយដែនប្រទេសថៃត្អូញត្អែរថា រកប្រាក់ចំណូលមិនសូវបាន ព្រោះរោងចក្រកែច្នៃផលិតផលមៀនមិនចូលមកកុម្ម៉ង់ទិញច្រើនដូចឆ្នាំមុនៗ។ ពួកគាត់ថាប្រាក់កម្រៃដែលពួកគាត់ បានតិចតួចនោះ ស្ទើរតែមិនអាចជួយដោះស្រាយជីវភាពប្រចាំថ្ងៃ ដោយសារត្រូវចំណាយបង់ប្រាក់ឲ្យប៉ូលិសតាមព្រំដែន សម្រាប់ថ្លៃធ្វើឯកសារឆ្លងដែនអស់ច្រើន។ មន្ត្រីសង្គមស៊ីវិលថា អាជ្ញាធរប្រទេសទាំងពីរគួរយោគយល់ដល់ពលករខ្មែរ ដោយសម្រួលការធ្វើឯកសារឲ្យមានតម្លៃសមរម្យឡើងវិញ។ អានព័ត៌មានពិស្ដារ ...
៣៧. ពលរដ្ឋចំនួន ៤០នាក់ រងរបួសនិងស្លាប់ដោយសារជាន់គ្រាប់មីន រយៈពេល១០ខែឆ្នាំ២០២២
ពលរដ្ឋរងគ្រោះដែលស្លាប់និងរងរបួស ដោយសារជាន់គ្រាប់មីន និងគ្រាប់យុទ្ធភណ្ឌមិនទាន់ផ្ទុះ រយៈពេល១០ខែ ឆ្នាំ២០២២ បានធ្លាក់ចុះ៥% បើធៀបរយៈពេលដូចគ្នា កាលពីឆ្នាំ២០២១។របាយការណ៍របស់អាជ្ញាធរមីន និងសង្គ្រោះជនរងគ្រោះ ហៅកាត់ថា ស៊ីម៉ាក (CMAA) ឲ្យដឹងថា ជនរងគ្រោះទាំង៤០នាក់នោះ មានស្លាប់ចំនួន១០នាក់ បាត់បង់អវយវៈ ៧នាក់ និង២៣នាក់ផ្សេងទៀតរងរបួសស្រាល។ អានព័ត៌មានពិស្ដារ ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។